Munaı qaldyǵynan qyrylǵan maldyń óleksesi qalaı joıylady

AQTAÝ. QazAqparat – Mańǵystaý oblysyndaǵy Jetibaı aýylynyń mańynda ornalasqan «Shalba» ken ornynda uńǵymadan munaı tógilýi kesirinen ólgen maldyń óleksesi joıylady. Bul týraly óńirlik ekologııa departamentiniń basshysy Rýslan Tókenov aıtty, dep habarlaıdy QazAqparat tilshisi.

«Mańǵystaý oblystyq ekologııa departamentiniń mamandary búgin áleýmettik jelide taraǵan vıdeomaterıalǵa qatysty lastanǵan jerge keldik. Atalǵan jer - «Shalba» ken orny. Departament bul máseleden birneshe jyl boıy quqyq qorǵaý jáne tıisti memlekettik quzyrly organdarǵa habrdar etip keledi. Qazirgi aqparatqa saı, Energetıka mınıstrligi ótkizgen jer ıgerý jónindegi konkýrstyń jeńimpazy «ARK Petroleum» jaýapkershiligi shekteýli seriktestigi bolyp anyqtalǵan. Sáıkesinshe, atalǵan mekeme quzyrly organmen tıisti kelisimshat jasasyp, jobalaý satysynda. Sondyqtan, bul jerde tazalaý jáne rekýltıvatsııalaý jumystaryn júrgizý seriktestikke mindetteledi. Sondaı-aq, úı janýarlarynyń óleksesin jergilikti atqarýshy organ jáne veterınarııa ınspektsııasy birlesip joıatyn bolady», - dedi Rýslan Tókenov.

Eske sala keteıik, búgin áleýmettik jelilerde uńǵymadan shyqqan munaıdyń dalaǵa tógilip, saldarynan mańaıdaǵy tórt túliktiń qyrylyp jatqany kórsetilgen beınejazba jarııalandy.