Munaı ımporty arqyly biz ınflıatsııany da elimizge ımporttap otyrmyz - A. Mılıýtın
ASTANA. 5 naýryz. QazAqparat - Elimizge munaı ımporty arqyly biz ınflıatsııany da ımporttap otyrmyz.
Búgin Májiliste «Іshki naryqty munaımen jáne munaı ónimderimen qamtamasyz etý» jáne «Qarashyǵanaq jobasynyń úlesin memlekettiń satyp alýy» taqyryptaryndaǵy Úkimet saǵaty barysynda depýtat Aleksandr Mılıýtın osylaı málim etti.
«Munaıǵa álemdik baǵanyń tómendegen kezeńinde bizdiń elimizdiń ishki naryǵyndaǵy benzın men basqa da janarmaı baǵalary sol qalpy joǵary kúıinde qalyp otyr. Bunyń ózi munaı ónimderiniń ishki naryqtaǵy aınalym tetiginiń jetkiliksizdigin bildiredi. Bundaı problemalardyń sebepteri aıqyn. Birinshiden, bul - qazaqstandyq munaı óndirý zaýyttary shyǵaratyn ónimderiniń básekege qabilettiliginiń tómendigi. Sondyqtan da sapaly ónim shyǵarýdyń ornyna mazýtty kóbirek óndiremiz. Ekinshiden - eldiń ishki naryǵynyń ımportqa táýeldiligi. Dál osy ımportqa táýeldilik elimizdegi ınflıatsııalyq úderisterdiń artýyna qatysty basty faktor bolyp otyr. ıAǵnı munaı ımporty arqyly biz ınflıatsııanyń ımportyna ushyrap otyrmyz», - deıdi depýtat. Onyń aıtýynsha, shıki munaı ımporty Shymkent pen Pavlodar munaı óńdeý zaýyttary úshin de ózekti. Óıtkeni Reseıden shıki munaıdyń jetkizilmeýi zaýytty tolyq qýatynda jumys isteýden aıyryp, onyń aqyry janarmaı tapshylyǵy men onyń baǵasynyń artýyna ákep soǵady.
«Osy tusta Shymkent munaı óńdeý zaýytynyń problemasyn biz keleshekte Qumkól arqyly jabatyn bolsaq, Pavlodar munaı óńdeý zaýytyn otandyq shıki munaımen qamtý áli de problema kúıinde qalatyny aıqyn», - deıdi A. Mılıýtın.
