Munaı-hımııa salasynda quny 2,6 mlrd dollar bolatyn úsh zaýyt salynyp jatyr

NUR-SULTAN. QazAqparat – Elimizde munaı-hımııa salasynda quny 2,6 mlrd dollarlyq 3 zaýyt salynyp jatyr. Bul týraly búgin Úkimet otyrysynda QR Energetıka mınıstri Nurlan Noǵaev aıtty, dep habarlaıdy QazAqparat tilshisi.

«Bıyl jalpy qýaty 557 myń tonnany quraıtyn jáne salaǵa 2,6 mlrd AQSh tartatyn úsh zaýyttyń qurylys-montajdaý jumystaryn aıaqtaý josparlanýda. Atap aıtqanda: Atyraý oblysynda qýaty jylyna 500 myń tonna polıpropılen óndirý zaýyty, Shymkentte qýaty jylyna 57 myń tonna benzınniń oktan sanyn arttyratyn qospa óndirý zaýyty jáne Atyraý oblysynda qýaty 57 mln tekshe metr azot jáne 34 mln tekshe metr qurǵaq syǵylǵan aýa óndirý zaýyty», - dedi Nurlan Noǵaev.