Munaı-gaz jáne energetıkalyq kompanııalar arasynda «Ar-Namys» baıqaýy ótedi
ALMATY. 8 tamyz. QazAqparat /Erlik Erjanuly/ - VI Eýrazııalyq forým aıasynda energetıkalyq sektor kompanııalarynyń arasynda «Ar-Namys» baıqaýy ótkiziledi.
Ony Ortalyq Azııadaǵy Eýrazııa qory men «KAZENERGY"» qaýymdastyǵy uıymdastyryp otyr. Bul baıqaýǵa ótinishter qabyldaý 15 qyrkúıekke deıin sozylady. Onyń qorytyndysy 4 qazan kúni jarııalanady. Baıqaýda jeńimpazdar tórt atalym boıynsha marapattalady. Onda: «Qorshaǵan ortany qorǵaý», «Úzdik áleýmettik ınnovatsııalyq joba», «Turaqty áleýmettik ustanym», jáne ádilqazylarynyń qaraýymen taǵy bir atalym qosylmaq. Táýelsiz saraptamashylar keńesiniń quramyna azamattyq sektordyń, halyqaralyq uıymdardyń, joǵary oqý oryndarynyń ǵalymdary men bıznes qurylymdarynyń ókilderi enip otyr. Baıqaýǵa qatysýshy barlyq jobalar VI Eýrazııalyq forýmda kórsetilip, www.kazenergyforum.com saıtynda halyqtyń nazaryna usynylady.
