Munaı-gaz sektorynyń qazaqstandyq jetkizýshileri konsortsıýmdarda sheteldiktermen jumys isteı alady

ASTANA. QazAqparat - Munaı-gaz sektorynyń qazaqstandyq jetkizýshileri konsortsıýmdarda shetel jetkizýshilerimen jumys isteı alady. Bul týraly «NADLoG» ulttyq jergilikti qamtýdy damytý agenttigi» AQ basqarmasynyń tóraǵasy Qaırat Bektúrgenev Astanada ótken «Jergilikti qamtýdy damytý jáne ıntegratsııalyq úderister» saraptamalyq semınary barysynda aıtty.

«Munaı-gaz sektoryndaǵy bizdiń  kompanııalar konsortsıýmda tyǵyz yntymaqtastyqta jumys isteı alady. Búgingi barlyq osy aqparat  bizdiń saıtta bar,  ony bizdiń iri operatorlarymyzdan aldyq. Bul shetel jetkizýshileriniń tizbesi. ıAǵnı, eger   kompanııalarymyzdyń tájirıbesi jetispeı jatsa, operatorlar olarǵa konsortsıýmǵa kirýge, standart, jabdyq boıynsha jumysty alýlaryna múmkindik týǵyzady, eger múmkindikter jetispeı jatsa, olarǵa topqa qatysýǵa ruqsat beredi», - dedi K. Bektúrgenev.

Onyń aıtýynsha, 2016 jylǵy birinshi jartyjyldyqta munaı-gaz sektorynyń úlesi taýarlardy, jumystardy jáne kórsetiletin qyzmetterdi satyp alýdyń jalpy kóleminen shamamen 32 paıyzdy quraıdy. 2016 jylǵy birinshi jartyjyldyqta 2 trıllıon teńgege satyp alý júzege asyryldy. Bul rette, qazaqstandyq taýarlardy satyp alý úlesi tómen, al jumystar men kórsetiletin qyzmetterdi satyp alý úlesi 80-90 paıyzǵa jetedi.

K. Betktúrgenevtiń aıtýynsha, bul qazaqstandyq ónimniń básekege qabilettiliginiń tómendigin bildiredi. Agenttik basshysy erte tenderler ótkizetin   «Teńizshevroıl» jáne «Qarashyǵanaq Petroleým Opereıtıng» jumysynyń oń tájirıbesin atap ótti. Bul kompanııalardyń qazaqstandyq óndirýshilerge járdemi tııýde. Bektúrgenev Úkimet otandyq taýar óndirýshilerdi qoldaıtynyn atap ótti. Atap aıtqanda, «2020-Ónimdilik - baǵdarlamasy bar, bul óndirýshilerge shyǵyn bóligine ótem alýǵa múmkindik beretin aspaptar kesheni. Mysaly, «NADLoG» agenttigi halyqaralyq taýralardy sertıfıkattaý úshin shyǵyn bóliginiń ornyn toltyrady.