Munaı-gaz sektoryndaǵy áleýmettik jáne eńbek qatynastaryn jetildirý máseleleri talqylandy
ASTANA. KAZINFORM — QR Energetıka mınıstrliginde munaı-gaz, munaı óńdeý jáne munaı-gaz-hımııa salalaryndaǵy áleýmettik áriptestik pen áleýmettik jáne eńbek qatynastaryn retteý jónindegi salalyq komıssııanyń kezekti otyrysy ótti.
— Otyrysta munaı-gaz, munaı óńdeý jáne munaı-gaz-hımııasy salalarynda áleýmettik-eńbek qatynastary salasyndaǵy memlekettik saıasatty qalyptastyrý men iske asyrýdyń túıindi máseleleri qaraldy. Sondaı-aq salalyq komıssııanyń quramyna 2025 jylǵa ózgerister engizildi, — delingen habarlamada.
QR Eńbek jáne halyqty áleýmettik qorǵaý mınıstrliginiń Memlekettik eńbek ınspektsııasy komıtetiniń Aqtóbe, Atyraý, Batys Qazaqstan, Qyzylorda jáne Mańǵystaý oblystaryndaǵy ahýal boıynsha ókilderi baıandama jasady. Sonymen qatar Mańǵystaý oblysy ákimdiginiń ókilderi baıandama jasady. Olar aǵymdaǵy jyldyń segiz aıynda eńbek janjaldarynyń aldyn alý, qaýipsiz eńbek jaǵdaılaryn qamtamasyz etý jáne munaı-gaz salasyndaǵy óndiristik jaraqattanýdy azaıtý boıynsha qabyldanyp jatqan sharalar týraly habardar etti.
«QazMunaıGaz» UK» AQ men onyń Aqtaý qalasyndaǵy ókildiginiń áleýmettik áriptestikti nyǵaıtý, eńbek daýlarynyń aldyn alý jáne qaýipsiz eńbek jaǵdaılaryn qamtamasyz etý jáne óndiristik jaraqattanýdy azaıtý boıynsha júrgizilip jatqan jumystarǵa erekshe nazar aýdaryldy.
Sonymen qatar otyrysqa qatysýshylar 2026-2028 jyldarǵa arnalǵan munaı-gaz, munaı óńdeý jáne munaı-gaz-hımııa salalaryndaǵy jańa Salalyq kelisimniń jobasyn daıyndaý jónindegi jumys tobynyń qyzmetin qaıta bastaýdy talqylady.
Aıta keteıik, Energetıka mınıstrligi áleýmettik áriptestik boıynsha jańa qujat ázirlep jatyr.