Munaı-gaz salasyndaǵy mamandardyń sáıkestigin rastaý jáne biliktilikti berý qaǵıdasy bekitildi
QazAqparat qujattyń mátinin taratady.
Qazaqstan Respýblıkasy Munaı jáne gaz mınıstrliginiń buıryǵy №132
2012 jylǵy 30 shilde, Astana qalasy
Munaı-gaz salasyndaǵy mamandardyń sáıkestigin rastaý jáne biliktilikti berý qaǵıdasyn bekitý týraly
Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń 138-6-babyna sáıkes buıyramyn:
1. Qosa berilip otyrǵan Munaı-gaz salasyndaǵy mamandardyń sáıkestigin rastaý jáne biliktilikti berý qaǵıdasy bekitilsin.
2. Strategııalyq damý jáne halyqaralyq yntymaqtastyq departamenti:
1) belgilengen tártippen osy buıryqtyń Qazaqstan Respýblıkasynyń Ádilet mınıstrliginde memlekettik tirkeýden ótýin qamtamasyz etsin;
2) osy buıryqty Qazaqstan Respýblıkasynyń Ádilet mınıstrliginde memlekettik tirkeýden ótkennen keıin resmı túrde jarııalasyn;
3) osy buıryqty Qazaqstan Respýblıkasy Munaı jáne gaz mınıstrliginiń ınternet-resýrsynda ornalastyrsyn.
3. Osy buıryqtyń oryndalýyn baqylaýdy ózime qaldyramyn.
4. Osy buıryq alǵash ret resmı jarııalanǵannan keıin kúntizbelik on kún ótken soń qoldanysqa engiziledi.
Mınıstrdiń m.a. B.TOLYMBAEV.
Qazaqstan Respýblıkasy Munaı jáne gaz mınıstriniń m.a.
2012 jylǵy 30 shildedegi №132 buıryǵymen bekitilgen
Munaı-gaz salasyndaǵy mamandardyń sáıkestigin rastaý jáne biliktilikti berý qaǵıdasy
1. Jalpy erejeler
1. Munaı-gaz salasyndaǵy mamandardyń sáıkestigin rastaý jáne biliktilikti berý qaǵıdasy (budan ári - Qaǵıda) Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń (budan ári - Eńbek kodeksi) 138-6-babyna sáıkes ázirlendi jáne mynalardyń tártibin anyqtaıdy:
1) mamandyq boıynsha biliktiliktiń ulttyq sheńberi (budan ári - BUSh) jáne biliktiliktiń salalyq sheńberi (budan ári - BSSh) deńgeılerine sáıkes keletin mamandyǵy/kásibi boıynsha biliminiń, iskerligi men quzyretiniń (kásibı biliktiliginiń) sáıkestigin rastaý;
2) munaı-gaz salasynda tıisti laýazymdy atqarý úshin biliktilikti (biliktilik razrıadyn/sanatyn) alýǵa nıet bildirgen tulǵalarǵa biliminiń, iskerligi men mashyǵynyń bar ekendigi týraly biliktilikti berý.
2. Qaǵıda Qazaqstan Respýblıkasynyń azamattaryna, sonymen qatar Qazaqstan Respýblıkasynyń aýmaǵynda munaı-gaz salasynda eńbek qyzmetin júzege asyratyn sheteldik mamandarǵa, onyń ishinde:
1) tehnıkalyq jáne kásiptik (orta arnaıy, orta kásiptik), joǵary bilim berý uıymdaryn, kadrlardy daıarlaýdy, qaıta daıarlaýdy, biliktiligin arttyrýdy júzege asyratyn kásiptik oqytý ortalyqtaryn bitirgen tulǵalarǵa;
2) biliktiligin (biliktilik razrıady/sanaty) arttyrǵysy keletin kásiporyn men uıymdardyń qyzmetkerlerine;
3) tıisti mamandyq (mamandyǵy/ biliktiligi) boıynsha jumys ótili bir jyldan kem emes, mamandyqty (mamandyq/ biliktilik) óz betimen ıgergen tulǵalarǵa qoldanylady.
3. Osy Qaǵıdada myna termınder men anyqtamalar qoldanylady:
1) baǵalaý - nátıjesinde sertıfıkattaý týraly sheshim qabyldanatyn, onyń kómegimen úmitkerdiń sáıkestikti rastaý jáne biliktilikti berý shemasynda belgilengen talaptarǵa sáıkestigi belgilenetin protsess;
2) berilgen sertıfıkattardy esepke alý tizilimi - berilgen sertıfıkattardy esepke alý jýrnaly;
3) biliktilik - kásiptik qyzmettiń tıisti túriniń sheńberinde jumystardy oryndaý úshin qajetti kásiptik bilimniń, iskerliginiń, jumys tájirıbesi men mashyqtarynyń jıyntyǵy;
4) biliktilikti berý - munaı-gaz salasyndaǵy naqty mamandyq boıynsha tıisti kásiptik qyzmet túriniń sheńberinde jumysty oryndaý úshin qajetti jeke qabilettilikterdiń, kásiptik bilimniń, iskerlik pen daǵdylar jıyntyǵyn rastaý rásimi;
5) biliktilik deńgeıi - jumystardy oryndaý kezinde kúrdeliligin, standartty emestigin jáne jaýapkershilik dárejesin esepke alatyn BUSh jáne BSSh-ta biliktiliktiń túrli deńgeılerine qoıylatyn talaptardyń jıyntyǵy;
6) biliktilik sáıkestigin rastaý - sertıfıkattalǵan tulǵanyń munaı-gaz salasynda belgilengen biliktilik talaptary men standarttarǵa turaqty sáıkestigin kepildendiretin sertıfıkat túrinde nátıjesi qujattamalyq kýálandyrý bolyp tabylatyn rásim;
7) emtıhan - úmitkerdiń quzyrettilik dárejesin bir nemese birneshe tásilder arqyly, mysaly, jazbasha, aýyzsha, praktıkamen, baqylaý arqyly, sondaı-aq mamandyqtyń erekshelikterin eskeretin qosymsha tásildermen anyqtaıtyn, baǵalaý bóligi bolyp tabylatyn tetik;
8) emtıhan alýshy - tıisti qyzmet salasynda sertıfıkattalatyn mamannyń deńgeıinen tómen emes kásiptik bilimi jáne emtıhan júrgiziletin saladaǵy kásiptik qyzmette keminde bes jyl praktıkalyq qyzmet tájirıbesi bar, emtıhandy ótkizetin jáne/nemese baǵalaıtyn tulǵa;
9) qaıta sertıfıkattaý - sáıkestikti rastaý jáne biliktilikti berý sertıfıkatynyń qoldanylý merziminiń bitýi boıynsha sertıfıkattaý rásiminiń qaıtadan ótkizilýi;
10) quzyreti - mamannyń bilimdi jáne/nemese mashyqtardy qoldaný qabilettiligi jáne, qajet bolǵan jaǵdaıda, sáıkestikti rastaý jáne biliktilikti berý shemasynda atalǵan jeke qasıetteri;
11) quzyrettilik - BUSh jáne BSSh biliktilik deńgeıleriniń talaptary sheńberinde kásiptik mindetterdi tabysty sheshýge arnalǵan quzyretterdiń jıyntyǵy;
12) mamandardyń sáıkestigin rastaý jáne biliktilikti berý jónindegi organ - mamandardyń sáıkestigin rastaý jáne biliktilikti berý boıynsha jumystardy oryndaý úshin belgilengen tártipte akkredıttelgen zańdy tulǵa;
13) mamandardyń sáıkestikti rastaý jáne biliktilikti berý shemasy - munaı-gaz salasyndaǵy BUSh, BSSh-pen jáne kásiptik standarttarmen belgilengen talaptarǵa mamandardyń sáıkestigin osy jumysty júrgizýdiń naqty kezeńderin sıpattaýmen anyqtaıtyn tásil;
14) sáıkestikti rastaý jáne biliktilikti berý sertıfıkaty - mamannyń biliktilik talaptaryna, sondaı-aq kásiptik qyzmettiń tıisti túrine arnalǵan kásiptik standarttarǵa biliktiliginiń sáıkestigi deńgeıin (kásiptik quzyretiniń deńgeıin) rastaıtyn qujat;
15) sáıkestikti rastaý jónindegi sarapshy-aýdıtor - Normatıvtik quqyqtyq aktilerdi memlekettik tirkeýdiń № 5827 tiziliminde tirkelgen «Sáıkestikti rastaý, taýardy shyǵarǵan eldi aıqyndaý jáne akkredıtteý jónindegi sarapshy-aýdıtorlardy attestattaý erejesin bekitý týraly» Qazaqstan Respýblıkasy Indýstrııa jáne saýda mınıstriniń mindetin atqarýshynyń 2009 jylǵy 9 qazandaǵy № 274 buıryǵymen belgilengen tártipte attestattalǵan maman;
16) sertıfıkattaý - mamandardyń sáıkestigin rastaý jáne biliktilikti berý jónindegi organ arqyly tulǵanyń BUSh, BSSh-ta biliktilik jáne quzyrettilik deńgeıine qoıylatyn belgilengen talaptarǵa jáne kásiptik standarttarǵa sáıkestigin belgileıtin jáne sáıkestikti rastaý jáne biliktilikti berýdi rastaý týraly tıisti sertıfıkatty beretin rásim;
17) úmitker - munaı-gaz salasyndaǵy mamannyń biliktiligin ıelenýge úmitker ótinish berýshi;
18) shaǵym-aryz - mamandyqtardyń sáıkestigin rastaý jáne biliktilikti berý jónindegi organ qabyldaǵan sheshimdi qaıta qaraý týraly ýájdeý saýaly bar, sertıfıkattaýdan ótken úmitkerdiń nemese tulǵanyń jazbasha túrdegi ótinishi.
2. Mamandardyń sáıkestigin rastaý jáne biliktilikti berý tártibi
1-paragraf. Jalpy talaptar
4. Mamandardyń sáıkestigin rastaýdy jáne biliktilikti berýdi, mamandardyń sáıkestigin rastaý jáne biliktilikti berý jónindegi organ (budan ári - SRO) júzege asyrady.
5. Mamandardyń sáıkestigin rastaý jáne biliktilikti berý erikti sıpatta bolady jáne ekonomıkanyń ártúrli salalarynda jumys isteıtin tulǵalardyń nemese jumysqa ne laýazymdyq qyzmetke ornalasý úshin tıisti biliktilik alýǵa nıet bildirgen tulǵalardyń bastamashylyǵy/nıeti boıynsha júrgiziledi.
6. Munaı-gaz salasyndaǵy mamandardyń biliktiligin BUSh-qa sáıkes BSSh-nyń biliktilik deńgeıleri boıynsha Eńbek kodeksiniń 138-5-babyna sáıkes bekitilgen kásiptik standarttar negizinde SRO beredi jáne rastaıdy.
7. Sáıkestikti rastaý jáne biliktilikti berý týraly ótinishterdi SRO jyl boıy qabyldaıdy jáne ótinish túsken kúnnen bastap on jumys kúni ishinde qaraıdy. Sáıkestikti rastaý jáne biliktilikti berý ótinishiniń nysany osy Qaǵıdaǵa 1-qosymshada keltirilgen.
8. Mamandardyń sáıkestigin rastaý jáne biliktilikti berý rásimderin júrgizý maqsatynda SRO janynan ókilettik merzimi bir kúntizbelik jyl bolatyn táýelsiz biliktilik komıssııasy (budan ári - Komıssııa) qurylady.
2-paragraf. Táýelsiz biliktilik komıssııasy qyzmetiniń tártibi
9. Komıssııa SRO buıryǵymen qurylady jáne Komıssııa týraly ereje (budan ári - Ereje) negizinde jumys isteıdi. Ereje osy Qaǵıdalarǵa sáıkes ázirlenedi jáne SRO bekitedi.
10. Komıssııa:
1) munaı-gaz salasyndaǵy mamandardyń sáıkestigin rastaý jáne biliktilikti berý shemasyna sertıfıkattaý protsesiniń sáıkestigin qamtamasyz etedi;
2) sertıfıkattaý boıynsha SRO sheshimderdi qabyldaý úshin emtıhan nátıjeleri boıynsha SRO-ǵa qujattalǵan qorytyndyny beredi;
3) sáıkestikti rastaý jáne biliktilikti berý shemasyna sáıkes emtıhan alýshylardyń kásiptik quzyrettiligin taldaýdy jáne baǵalaýdy ótkizedi;
4) óz qyzmeti protsesinde alatyn búkil aqparattyń qupııalyǵyn saqtaıdy;
5) komıssııa jumysynyń tártibin, rásimderin jáne ádisterin anyqtaıdy;
6) usynylǵan ótinishterdi qaraıdy;
7) SRO resmı saıtynda otyrystardy ótkizýdiń kúni men ýaqytyn ornalastyrady;
8) úmitkerlerden, sertıfıkattalǵan tulǵalardan nemese olardyń jumys berýshilerinen jáne basqa da múddeli tulǵalardan kelip túsken ótinishterdi qaraıdy.
11. Komıssııanyń quramyna tóraǵa, qaralatyn sertıfıkattaý salasyndaǵy sarapshy-aýdıtor, komıssııa músheleri kiredi.
Komıssııa tóraǵasy sarapshy-aýdıtorlardyń, Qazaqstan Respýblıkasy Munaı jáne gaz mınıstrliginiń, jergilikti atqarýshy organdardyń, kadrlardy daıarlaý men tehnıkalyq jáne kásiptik bilim berýdi damytý jónindegi salalyq jáne óńirlik keńesterdiń, jumys berýshilerdiń salalyq birlestikteriniń, munaı-gaz salasy uıymdarynyń, qyzmetkerlerdiń salalyq birlestikteriniń ókilderi arasynan taǵaıyndalady.
Komıssııa músheleri, sondaı-aq sarapshy-aýdıtorlar, Qazaqstan Respýblıkasy Munaı jáne gaz mınıstrliginiń, jergilikti atqarýshy organdardyń, kadrlardy daıarlaý men tehnıkalyq jáne kásiptik bilim berýdi damytý jónindegi salalyq jáne óńirlik keńesterdiń, munaı-gaz salasy uıymdarynyń, bilim berý uıymdarynyń, ǵylymı-zertteý uıymdarynyń, jumys berýshilerdiń salalyq birlestikteriniń, qoǵamdyq birlestikterdiń, qyzmetkerlerdiń salalyq birlestikteriniń ókilderi arasynan taǵaıyndalady.
12. Komıssııa tóraǵasy:
1) komıssııanyń jumysyn uıymdastyrady;
2) komıssııanyń otyrystaryn ótkizedi;
3) sáıkestikti rastaý jáne biliktilikti berý rásiminiń obektıvtiligin jáne ashyqtyǵyn qamtamasyz etedi;
4) SRO-ǵa komıssııanyń jumysy boıynsha qorytyndylardyń taldaýyn usynady jáne onyń jumysyn jetildirý jónindegi usynystardy engizedi;
5) emtıhan nátıjeleri boıynsha biliktilikti rastaý nemese rastamaý týraly hattamany bekitedi.
13 Komıssııanyń hatshysy:
1) komıssııa múshelerine otyrystyń kúni men ýaqytyn habarlaıdy;
2) komıssııa otyrystarynyń hattamalaryn júrgizedi;
3) belgilengen tártipte komıssııa jumysynyń materıaldaryn resimdeıdi jáne SRO-ǵa bekitýge jiberedi.
14. Hatshy komıssııa múshesi bolyp tabylmaıdy.
15. Emtıhan alýshylar:
1) óziniń kásiptik qyzmetine qatysty barlyq ózgerister týraly aqparatty SRO-ǵa usynady;
2) óziniń quzyrettiligi deńgeıin árdaıym jetildiredi jáne arttyrady;
3) óz qyzmeti protsesinde alynatyn barlyq aqparattyń qupııalyǵyn saqtaıdy.
16. Sáıkestikti rastaý nemese tıisti biliktilikti berý týraly komıssııanyń sheshimi boıynsha erkin nysanda rásimdeletin hattama jasalady jáne sheshim qabyldaý úshin SRO-ǵa jiberiledi.
17. SRO tómendegi sheshimderdiń birin qabyldaıdy:
1) mamandyq boıynsha biliktilikti rastaý nemese bas tartý jáne sáıkestikti rastaý jáne biliktilik sertıfıkatyn (budan ári - Sertıfıkat) berý týraly;
2) mamandyq boıynsha tıisti bilim deńgeıine biliktilik berý nemese bas tartý jáne Sertıfıkat berý týraly.
3-paragraf. Sáıkestikti rastaýdyń jáne biliktilikti berýdiń tártibi
18. Sáıkestikti rastaý jáne biliktilikti berýdi rastaý tártibinde SRO mynalardy qamtıdy:
1) úmitkerden ótinishterdi qabyldaý;
2) osy Qaǵıdanyń 2-kosymshasyna sáıkes nysan boıynsha Sáıkestikti rastaý jáne biliktilikti berý josparyna sáıkes materıaldardy baǵalaý;
3) SRO men úmitkerdiń arasynda taraptardyń jaýapkershiligin, quqyqtary men mindetterin kórsete otyryp, sáıkestikti rastaý jáne biliktilikti berý boıynsha jumystardy júrgizýge shartty resimdeý;
4) sáıkestikti rastaý jáne biliktilikti berý shemasynyń talaptaryna jáne baǵalaýdyń qujattalǵan nátıjelerine sáıkes emtıhan ótkizý;
5) sertıfıkattaý boıynsha sheshimder qabyldaý;
6) osy Qaǵıdanyń 3-kosymshasyna sáıkes nysan boıynsha Sertıfıkatty berý;
7) sáıkestikti rastaý jáne biliktilikti berý shemasyna sáıkes qaıta sertıfıkattaý. Qaıta sertıfıkattaý protsesi úmitker usynǵan ótinish negizinde júrgiziledi;
8) berilgen Sertıfıkattardy esepke alý tizilimindegi tıisti jazbamen Sertıfıkatty berý.
4-paragraf. Shaǵym-aryz komıssııasy qyzmetiniń tártibi
19. SRO sheshimimen kelispeıtin tulǵalardyń ótinishi Shaǵym-aryz komıssııasyna SRO sheshimin alǵannan keıin jeti jumys kúni ishinde tapsyrylady. Shaǵym-aryzdy qaraý merzimi jeti jumys kúnin quraıdy.
20. Shaǵym-aryz komıssııasy SRO basshysynyń buıryǵymen qurylady jáne SRO sheshimimen ázirlenip, bekitiletin Shaǵym-aryz komıssııasy týraly ereje negizinde jumys atqarady.
21. Shaǵym-aryz komıssııasy:
1) SRO sheshimine shaǵymdanýshy úmitkerdiń jazbasha ótinishin qaraıdy;
2) túsken shaǵymdardyń qatań esebin júrgizedi;
3) sáıkestikti rastaý shemasyn ózgertý jáne biliktilikti berý týraly usynystar engizedi.
Shaǵym-aryz komıssııasy emtıhan nátıjelerin baǵalaý barysynyń durystyǵyn, talaptardyń saqtalýyn jáne daýly máselelerdiń sheshimin tekseredi.
22. Shaǵym-aryz komıssııasy qabyldanǵan sheshimderdi qujat túrinde rastaıdy, bul rette óz qyzmeti protsesinde alatyn búkil aqparattyń qupııalyǵyn saqtaıdy.
3. Qorytyndy erejeler
23. Emtıhandy jaqsy tapsyrǵan tulǵalarǵa Sertıfıkat beriledi.
24. Sertıfıkat:
1) tehnıkalyq jáne kásiptik, joǵary bilim berý uıymdaryn bitirgen, dıplom alǵan kúnnen bastap kúntizbelik bir jyl ishinde sertıfıkattaýdan ótken tulǵalar úshin merzimsiz bolyp tabylady;
2) osy tarmaqtyń 1) tarmaqshasynda kórsetilgen tulǵalardy qospaǵanda, barlyǵyna úsh jyl merzimmen beriledi.
25. Sertıfıkat joǵalǵan jaǵdaıda, Qazaqstan Respýblıkasynyń barlyq aýmaǵynda taratylatyn buqaralyq aqparat quraldarynda joǵalýdyń jarııalanýyn rastaıtyn qujatpen qosa berilgen ótinish negizinde, SRO onyń kóshirmesin beredi.
26. Sertıfıkat búlingen jaǵdaıda nómirin, berilgen kúni men qoldanylý merzimin kórsetýmen sáıkestikti rastaý jáne biliktilikti berý sertıfıkatynyń kóshirmesin berý týraly SRO-ǵa ótinish berý kerek, ótinishke sertıfıkattyń búlingen túpnusqasyn qosa usyný qajet.
27. SRO sertıfıkattyń joǵalýy men búlinýi týraly ótinishti qaraıdy jáne sertıfıkattardy berýdi esepke alý tiziliminiń negizinde «Kóshirme» sózin, burynǵy nómirlerdi, berilý kúni men qoldanylý merzimin kórsetýmen sáıkestikti rastaý jáne biliktilikti berý sertıfıkatynyń kóshirmesin beredi.
Munaı-gaz salasyndaǵy mamandardyń sáıkestigin rastaý jáne biliktilikti berý qaǵıdasyna 1-qosymsha
Nysan
Sáıkestikti rastaýǵa jáne biliktilikti berýge arnalǵan
ótinish
foto
3h4
Kimge __________________________________________________________________________
(Mamandardyń sáıkestigin rastaý jáne biliktilikti berý organynyń tolyq ataýy)
kimnen ________________________________________________________
(aty-jóni, laýazymy, jumys orny, mekenjaıy, telefon, e-mail)
Sáıkestikti ______________________________________________________
(sáıkestikti rastaý jáne biliktilikti berý salasyn kórsetý)
mamandyq boıynsha júrgizýdi rastaýdy ótinemin.
Men________________________________________________ salasyndaǵy sertıfıkattaý protsesi boıynsha normatıvtik qujattardyń sharttary men talaptarymen tanystym jáne qabyldaımyn.
Meniń ótinishimdegi nysanda keltirilgen derekterdiń tizilimde jarııalanýyna bolady.
Men bergen málimetter ras, keleshekte sáıkestikti rastaý jáne biliktilikti berý organyna meniń jeke málimetterimdegi búkil ózgeristerdi habarlaýǵa mindettenemin.
Men aqparatty durys bermegen jaǵdaıda tizilimnen shyǵarýdy túsinemin jáne qabyldaımyn.
Qosymshalar:
1. Jeke kýáliktiń kóshirmesi
2. Jumys ornynan minezdeme (bolǵan jaǵdaıda)
3. Bilim týraly qujattyń kóshirmesi
4. Eńbek qyzmetin rastaıtyn qujattar (bolǵan jaǵdaıda)
5. Málimdelgen sertıfıkattaý salasyndaǵy biliktilikti arttyrý týraly qujattyń kóshirmesi (bolǵan jaǵdaıda)
6. Emtıhan hattamasynyń kóshirmesi ( _______ shema boıynsha) (bolǵan jaǵdaıda)
7. Ótilden ótýin rastaıtyn pikir-anyqtama ( _______ shema boıynsha)
Kúni, málimdeýshiniń qoly, qol qoıýlardy ajyratý.
Eskertý - barlyq kóshirmeler ár bette uıymnyń mórimen rastalady nemese notarıaldy túrde rastalady.
Munaı-gaz salasyndaǵy mamandardyń sáıkestigin rastaý jáne biliktilikti berý qaǵıdasyna 2-qosymsha
Nysan
Sáıkestikti rastaý jáne biliktilikti berý jospary
20__ jylǵy «___»__________
_________________________________________________________________
(sáıkestikti rastaý jáne biliktilikti berý organnyń ataýy)
20__ jylǵy «___»_________ ótinishin qarap, qosymsha qujattarmen
_______________________________________________________
(ótinish berýshiniń aty-jóni, mekenjaıy, telefony)
sáıkestikti rastaý jáne biliktilikti berýge
_____________________________________________________________
(qyzmettiń ataýy)
Sáıkestikti rastaý jáne biliktilikti berý jónindegi organ
ShEShTІ:
1. Sáıkestikti rastaý jáne biliktilikti berý shemasy boıynsha ótkizilsin.
___________________________________________________________
(Sáıkestikti rastaý jáne biliktilikti berý shemasynyń nómiri)
2. Sáıkestikti rastaý jáne biliktilikti berý úshin ótinish berýshiniń quzyrettiligi
________________________________________________________
(quzyrettiligi tekseriletin ortalyqtyń ataýy)
negizinde tekserýdi júrgizsin.
3. Sáıkestikti rastaý jáne biliktilikti berýdi
________________________________________________________________
(normatıvtik qujattyń ataýy, nómiri jáne kúni (qajet bolǵan jaǵdaıda
tarmaqtardyń nómirleri)
talaptarǵa sáıkes ótkizsin.
4. Jumystardy _________________________________________________
_______________________________________________________________
(sharttyń nómiri men kúnin kórsetý)
negizinde júrgizsin.
______________________________ M.O. _______________________
(Sáıkestikti rastaý jónindegi organ (tegi, aty-jóni)
basshysynyń qoly)
Munaı-gaz salasyndaǵy mamandardyń sáıkestigin rastaý jáne biliktilikti berý qaǵıdasyna
3-qosymsha
Nysan
____________________________________________________________
Sáıkestikti rastaý jáne biliktilikti berý jónindegi organnyń ataýy
Sáıkestikti rastaý jáne biliktilikti berý
SERTIFIKATY
Osy sertıfıkat
_____________________________________________________________ke
(tegi, aty-jóni)
Biliktilikti berý/rastaý__________________________________________
______________________________________________________________
(Normatıvtik qujat negizinde berilgen sertıfıkat)
sáıkes berildi.
Berilgen sertıfıkattar tiziliminde tirkelgen
№ ____________________________
(sertıfıkattyń nómiri)
201__jylǵy «___»_______ berildi.
201__jylǵy «__»_______ǵa deıin jaramdy.
Zańdy tulǵanyń basshysy (eger mamandardyń sáıkestigin rastaý jáne biliktilikti berý jónindegi organ zańdy tulǵanyń qurylymdyq bólimshesi bolyp tabylǵan jaǵdaıda)
____________________ ____________________ ____________________
(laýazymy) (qoly)
MO (aty-jóni)
Mamandardyń sáıkestigin rastaý jáne biliktilikti berý jónindegi organnyń basshysy
____________________ ____________________ __________________
(laýazymy) (qoly) (aty-jóni)
Buıryq Qazaqstan Respýblıkasynyń Ádilet mınıstrliginde 2012 jylǵy 28 qyrkúıekte Normatıvtik-quqyqtyq kesimderdi memlekettik tirkeýdiń tizilimine №7934 bolyp engizildi.