Munaı-gaz salasyn damytýdyń uzaqmerzimdi tujyrymdamasyn qabyldaý qajet - parlamenttik tyńdaý
«Qazaqstannyń munaı-gaz salasy týraly aıtar bolsaq, munaı-gaz salasyn damytýdyń uzaq merzimdi tujyrymdamasynyń joq ekeni, sondaı-aq 2014-2018 jyldarǵa arnalǵan munaı-gaz salasyn damytý jónindegi keshendi josparynyń «Nurly jol» baǵdarlamasynan buryn qabyldanǵandyqtan onda kóptegen aýqymdy maqsattar men mindetter eskerilmeı qalǵany nazar aýdararlyq másele. Sonymen qatar, otandyq munaıservıstik kompanııalardyń óz deńgeıinde damymaı otyrǵany, zańnamada anyq kórinip turǵan olqylyqtardyń bolýy, al onyń iri munaı óndirýshi kompanııalarǵa qazaqstandyq qamtý jónindegi ózderiniń kelisimshart mindettemelerin formaldy túrde oryndaýyna múmkindik beretini alańdatyp otyr»,-dep toqtaldy depýtat.
Osyǵan baılanysty ol munaı-gaz salasyn damytýdyń uzaqmerzimdi tujyrymdamasyn qabyldaý qajet ekenin qadap aıtty.
«Sol tujyrymdamada Ult jospary 100 naqty qadamynyń 74-shi jáne 75 shi qadamdaryndaǵy paıdaly qazbalar qory jóninde esep berýdiń CRIRSCO halyqaralyq standarttar júıesin engizý arqyly jer qoınaýlaryn paıdalaný salasynyń móldirligi men boljamdyǵyn arttyrý jáne paıdaly qazbalardyń barlyq túrleri úshin úzdik álemdik tájirıbeni paıdalana otyryp, kelisimder jasaýdyń ońtaılandyrylǵan ádisin engizý erekshe nazarǵa alyný kerek»,-dedi Sh. Ótemisov.
Onyń sózinshe, munaı-gaz salasyn damytý jónindegi keshendi jospardy qaıta qarap, ony iske asyrý kezeńin «Nurly jol» baǵdarlamasynyń merzimderine, maqsattary men mindetterine jáne údemeli ındýstrııalyq-ınnovatsııalyq damý baǵdarlamasynyń ekinshi besjyldyǵyna sáıkes keltirý abzal mindet bolyp tabylady.
«Ekinshiden, Qazaqstan Respýblıkasynyń Prezıdenti Nursultan Ábishuly Nazarbaevtyń, servıstik klasterlerdi belsendi qalyptastyrý jónindegi tapsyrmalarynyń oryndalýyna qol jetkizý qajet. Sol sııaqty qosylǵan quny joǵary munaı-hımııalyq ónimderdiń ár túrin alý úshin munaıdy tereń qaıta óńdeıtin kásiporyndar qurý múmkindigin qarastyrý kerek»,-dedi ol.
