Munaı-gaz salasyndaǵy biliktilik júıesin jańartý jónindegi jumys tobynyń otyrysy ótti
ASTANA. KAZINFORM – Búgin «Munaı jáne gazdy barlaý men óndirý» baǵyty boıynsha Salalyq biliktilik sheńberi men Kásiptik standarttardy jańartý jónindegi jumys tobynyń kezekti otyrysy ótti. Bul týraly Energetıka mınıstrliginiń baspasóz qyzmeti habarlady.
Otyrysqa Energetıka vıtse-mınıstri Álibek Jamaýov qatysty. Vıtse-mınıstr munaı-gaz salasyndaǵy kásiptik biliktilikti damytýǵa baǵyttalǵan jumystyń mańyzdylyǵyn atap ótti.
— Búgingi otyrys — bizdiń munaı-gaz salasyndaǵy kásiptik standarttardy jetildirý men biliktilik júıesin jańartýdaǵy mańyzdy kezeń, — dep atap ótti Álibek Jamaýov.
Otyrysta Kazenergy qaýymdastyǵynyń atqarýshy dırektory, Salalyq keńestiń tóraǵasy Lázzat Ahmýrzına jetekshilik etetin jumys tobynyń aqpan aıynda atqarǵan jumysy týraly esep usynyldy. Talqylaý qorytyndysy boıynsha hattama bekitilip, naqty tapsyrmalar berildi. Bul saladaǵy ózara yntymaqtastyq pen birliktiń naqty kórinisi. Sonymen qatar, vıtse-mınıstr Salalyq biliktilik sheńberi men Kásiptik standarttardy jańartý jańartý jumystary 2025 jylǵa arnalǵan Salalyq keńestiń bekitilgen jospary aıasynda jalǵasatynyn aıtty.
— Biz árbir mamannyń eńbegin joǵary baǵalaımyz jáne olardyń jumysynyń mańyzdylyǵyn jete túsinemiz, — dedi vıtse-mınıstr.
Otyrysta, Kásiptik biliktilik jónindegi ulttyq organ «Eńbek resýrstaryn damytý ortalyǵy» AQ, Energetıka mınıstrligi janyndaǵy «Qazaqstan Respýblıkasynyń otyn-energetıkalyq kesheniniń ahýaldyq-taldamalyq ortalyǵy» AQ mamandary qatysyp, sóz sóıledi. OEKATO SBSh-daǵy derekterdiń jańartýlaryn jumys tobynyń talqylaýyna usyndy. Vıtse-mınıstr sóz sońynda jumys toby múshelerine, sala mamandaryna alǵys aıtyp, aldaǵy ýaqytta da josparǵa sáıkes jumystaryna sáttilik tiledi.
Aıta ketelik Qazaqstan men Ulybrıtanııa energetıka salasyndaǵy strategııalyq áriptestikti nyǵaıtady.