Munaı-gaz salasy úshin 11 jańa kásip kartochkasy ázirlenedi
ASTANA. KAZINFORM – Energetıka mınıstrligi munaı-gaz salasyndaǵy kásibı standarttardy jetildirý jáne ulttyq biliktilik júıesin damytý máselelerine arnalǵan jumys tobynyń otyrysyn ótkizdi.
«Munaı men gazdy tasymaldaý jáne saqtaý» baǵyty boıynsha ótken jıynǵa memlekettik organdardyń, salalyq kompanııalardyń, qaýymdastyqtardyń, joǵary oqý oryndarynyń, tehnıkalyq jáne kásiptik bilim berý uıymdarynyń ókilderi qatysty.
Lázzat Ahmýrzınanyń tóraǵalyǵymen ótken otyrysqa Energetıka mınıstrligi Gaz ónerkásibi departamentiniń dırektory Eltaı Álıev te qatysty.
Kezdesý barysynda salalyq biliktilik sheńberin jańartý, kásibı standarttardy eńbek naryǵynyń suranysyna beıimdeý jáne salaǵa qajetti kadrlardy daıarlaý máseleleri talqylandy.
«Eńbek resýrstaryn damytý ortalyǵy» AQ jasandy ıntellekt tehnologııalary negizinde ázirlengen kásibı standarttar konstrýktory men Career Enbek tsıfrlyq platformasyn tanystyrdy.
Sonymen qatar taldamaly ortalyq jańartylǵan salalyq biliktilik sheńberin usyndy.
Energetıka mınıstrliginiń málimetinshe, 2026 jylǵa arnalǵan jospar aıasynda:
– 8 kásibı standart jańartylady;
– 11 jańa kásip kartochkasy ázirlenedi;
– qoldanystaǵy 2 kásip kartochkasy jańartylady.
Barlyq kartochka memlekettik jáne orys tilderinde ázirlenip, Career Enbek platformasyna ornalastyrylǵan.
Jıynda NCOC N.V. kompanııasynyń qosymsha 15 kásip kartochkasyn engizý jónindegi usynystary da qaralǵan.
Mınıstrlik salalyq biliktilik júıesin damytý munaı-gaz salasyna básekege qabiletti mamandar daıarlaý sapasyn arttyrýǵa múmkindik beretinin atap ótti.
Aıta keteıik, Qazaqstan munaı óńdeýdi 39,2 mln tonnaǵa deıin arttyrýdy kózdeıdi.
