Munaı-gaz óndirý salasyndaǵy mashına jasaýdy damytý elimizde 30-40 myń adamdy jumyspen qamtıdy
ASTANA. QazAqparat - Qazaqstanda munaı-gaz óndirýdegi mashına jasaý salasynyń keń aýqymdy damýy múmkin. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte elimizdiń Mashına jasaýshylar odaǵynyń atqarýshy dırektory Tımýrlan Altaev aıtty.
«Búginde munaı gaz salasy bıýdjeti - belgili, damý yrǵaǵy birqalypty, barynsha ınvestıtsııalyq tartymdy sala. Biz jýyrda «Teńizshevroılmen» óte tıimdi kelissózderge qol jetkizdik. Nátıjesinde, birlese otyryp munaı-gaz óndirýge arnalǵan mashınalar jasaıtyn kásiporyndar ashýǵa kelistik. ıAǵnı, jarty nemese bir jyldan soń buryn-sońdy elimizde shyǵarylyp kórmegen tehnıkalar shyǵa bastaıdy», - dedi T.Altaev.
Onyń aıtýynsha, atalǵan salady 30-40 túrli zat shyǵarylady, sonyń ishinde munaı quıatyn ydystar, qubyrlar men burǵylaý qurylǵylary da bar.
«Shamamen 30-40 myń jumys orny ashylady. ıAǵnı biz durys baǵytpen jyljyp kele jatyrmyz dep aıtýǵa bolady», - dedi ol.
