Munaı-gaz mashınasyn jasaýdy damytý jónindegi halyqaralyq ortalyq qurylady
«Qazirgi ýaqytta mınıstrlik munaı-gaz salasyndaǵy jergilikti qamtý úlesin ulǵaıtýǵa múmkindik beretin eki bastamany júzege asyrýda. Birinshisi - Shevron kompanııasymen birigip jergilikti qamtýdy damytýdyń tikeleı ınvestıtsııalar qoryn qurý. Ekinshisi - munaı-gaz mashınasyn jasaýdy damytý jónindegi halyqaralyq ortalyq qurý», - dedi mınıstr.
Nurlan Noǵaevtyń aıtýynsha, 10 jyl ishinde elimizdiń jalpy ishki ónimine jergilikti qamtýdy damytýdyń tikeleı ınvestıtsııalar qory qyzmetiniń oń áseri shamamen 642 mln AQSh dollaryn quraıtyn bolady.
«Al halyqaralyq ortalyq 3 iri operatordyń, atap aıtqanda NKOK, KPO jáne TShO-nyń qajettiligi úshin taýarlar óndirý men kórsetiletin qyzmetterdi jetkizýde servıstik kompanııalardyń, jergilikti óndirýshilerdiń qatysýyna múmkindik beredi», - dedi ol.
