Munaı-gaz kompanııalary otandyq ónimdi satyp alýǵa qandaı úles qosyp jatyr

ASTANA. KAZINFORM – Memlekettik satyp alýdaǵy otandyq taýarlar úlesiniń artýynda ulttyq kompanııalar negizgi ári jaýapty ról atqarady. Bul jóninde QR Energetıka vıtse-mınıstri Erlan Aqbarov Májiliste ótken taqyryptyq otyrysta málimdedi. 

Onyń sózinshe, «QazMunaıGaz» ulttyq kompanııasynyń TJQ-ny (taýarlar, jumystar, qyzmetter) jalpy satyp alý kólemi – 1,037 trln teńge. Onyń ishinde «elishilik qundylyq» – 836,296 mlrd teńge nemese 80,6%.

Al «QazaqGaz Barlaý Óndirý» kompanııasynyń TJQ-ny (taýarlar, jumystar, qyzmetter) jalpy satyp alý kólemi – 469,414 mln teńge. Onyń ishinde «elishilik qundylyq» – 283,317 mln teńge nemese 60,4%. 

– Mınıstrlik tarapynan bul tek ákimshilik sharalarmen shektelmeıdi. Zańnamalyq deńgeıde naqty talaptar engizildi. Jer qoınaýyn paıdalaný kelisimsharttaryna jergilikti qamtýdyń eń tómengi kórsetkishteri belgilendi. 2025 jyly 75 kelisimshartqa tıisti ózgerister engizilip, naqty nátıje berip otyr. Otandyq taýarlardy satyp alý boıynsha eń tómengi kórsetkish 40% bolýy tıis. Al otandyq jumystar men qyzmetterdi satyp alý boıynsha kórsetkish keminde 80% bolýy kerek, - dedi Aqbarov.

Aıta keteıik, buǵan deıin energetıka salasyndaǵy memlekettik satyp alýda otandyq ónimniń kólemi artyp kele jatqanyn jazǵanbyz.