Munaı-gaz hımııasyn damytý: jańa zań jobasy ázirlenip jatyr
ASTANA. KAZINFORM — QR EM Munaı-gaz-hımııa jáne tehnıkalyq retteý departamentiniń dırektory Temirlan Úrkimbaev elimizde munaı-gaz hımııasy salasyn damytý úshin jańa zań jobasy ázirlenip jatqanyn málim etti.
— Energetıka mınıstrligi 6 aıdan beri múddeli taraptarmen, onyń ishinde «QazMunaıGaz» AQ, «KazEnergy» qaýymdastyǵy, munaı-gaz hımııasy ónimderin óndirýshiler men tutynýshylar qaýymdastyǵy, sondaı-aq memlekettik organdarmen birlesip «Munaı-gaz hımııa ónerkásibi týraly» Zań jobasyn ázirlep jatyr.
Zań jobasynyń maqsaty — munaı-gaz hımııasyn damytý úshin ashyq ári tıimdi quqyqtyq negiz qurý, — dedi ol Power Central Asia + China óńirlik energetıkalyq forýmynda.
Sondaı-aq departament basshysy zań jobasy qabyldansa, salaǵa qandaı paıda beretinin atap ótti.
— Zań jobasynda kásiporyndardyń shıkizat bazasyna teń qoljetimdiligin qamtamasyz etý, qajetti ınfraqurylymdy damytý, memlekettik qoldaý sharalaryn, onyń ishinde qarjylandyrý, sýbsıdııalaý jáne salyqtyq jeńildikter qoldaný sharalary kózdelgen, — dedi Temirlan Úrkimbaev.
Elimizde 2029 jylǵa deıin 1,6 myń km jylý berý jelisi jańǵyrtylady.
2029 jyly qýaty 1,25 mln tonna bolatyn polıetılen zaýyty iske qosylady.
Sondaı-aq Temirlan Úrkimbaev elimizde munaı-gaz hımııasy salasynda atqarylyp jatqan birqatar mańyzdy jobany atady.