Munaı-gaz hımııasy: Elimizde bolashaǵy zor 4 joba júzege asyrylyp jatyr

ASTANA. KAZINFORM — QR EM Munaı-gaz-hımııa jáne tehnıkalyq retteý departamentiniń dırektory Temirlan Úrkimbaev elimizde munaı-gaz hımııasy salasynda atqarylyp jatqan birqatar mańyzdy jobany atady. 

— Munaı-gaz hımııasy salasynda birqatar keleshegi zor jobalar júzege asyrylyp jatyr. Atap aıtsaq, Aqtóbe oblysynda karbamıd óndirisi (iske qosylýy — 2029 jyly), alkılat óndirisi (iske qosylýy — 2027 jyly), býtadıen óndirisi (iske qosylýy — 2028 jyly), sondaı-aq Aqtaýda ammıak-karbamıd kesheni (iske qosý — 2029 jyly) iske qosylady. Qazirgi tańda bul jobalardyń atqarylý barysy bazalyq jobalyq qujattamany ázirleýden bastap qarjylandyrý tetikterin pysyqtaýǵa deıingi ártúrli satyda tur, — dedi ol Power Central Asia + China óńirlik energetıkalyq forýmynda. 

Aıta keteıik, karbamıd — aýyl sharýashylyǵynda asa suranysqa ıe azotty tyńaıtqysh, al alkılat — benzınniń joǵary oktandy komponenti. Sondaı-aq býtadıen — avtokólik ónerkásibinde, shına, plastık jáne rezeńke buıymdaryn óndirýde qoldanylatyn sıntetıkalyq kaýchýk.

Elimizde 2029 jylǵa deıin 1,6 myń km jylý berý jelisi jańǵyrtylady.

2029 jyly qýaty 1,25 mln tonna bolatyn polıetılen zaýyty iske qosylady.