Munaı, gaz, hımııa salasy jobalaryna salyqtyq jáne kedendik yntalandyrý sharalary qaralady
ASTANA. KAZINFORM – Úkimet basshysy Oljas Bektenov bıyl 1 shildege deıin hımııa jáne munaı-gaz hımııasy jobalaryn salyqtyq jáne kedendik yntalandyrý boıynsha naqty sharalar men usynystar ázirleýdi tapsyrdy.
— Strategııalyq ınvestorlardy tartý kóbine ınvestıtsııalyq ahýaldyń sapasyna jáne salanyń damý jaǵdaıyna baılanysty. Ulttyq ekonomıka mınıstrligi Energetıka mınıstrligi jáne Ónerkásip jáne qurylys mınıstrligimen birge bıyl 1 shildege deıin Úkimetke hımııa jáne munaı-gaz hımııasy jobalaryn salyqtyq jáne kedendik yntalandyrý boıynsha naqty sharalar men usynystar engizýdi tapsyramyn, — dedi Oljas Bektenov Úkimet otyrysynda.
Sondaı-aq Premer-mınıstr polıpropılen óndirisiniń jospardan tys toqtap qalýy alańdaýshylyq tanytty.
Buǵan deıin habarlaǵanymyzdaı, elimizde munaı-gaz-hımııa ónerkásibi týraly zań jobasy ázirlenip jatyr.
Odan bólek Premer-mınıstr elimizden hımııa óndirisi shıkizatynyń 45% eksportqa tereń óńdelmeı shyǵarylatynyn aıtyp, daıyn ónimdi shyǵarý kerektigin eskertti.
Aıta keteıik, elimizde munaı-gaz salasyn damytýdyń jol kartasy aıasynda 3,5 myń turaqty jumys orny ashylady.