Munaı-gaz, elektr energetıkasy: Qazaqstan men Túrkııa yntymaqtastyq perspektıvalaryn talqylady
ASTANA. KAZINFORM – Energetıka mınıstri Erlan Aqkenjenov Bakýde ótken BEW 2026 halyqaralyq energetıkalyq forýmy aıasynda Túrkııa Respýblıkasynyń Energetıka jáne tabıǵı resýrstar mınıstri Alparslan Baıraktarmen kezdesý ótkizdi.
Taraptar munaı-gaz, elektr energetıkasy jáne jańartylatyn energııa kózderi salalaryndaǵy yntymaqtastyqty keńeıtý perspektıvalaryn talqylady.
Transkaspıı halyqaralyq kólik baǵytyn damytýǵa, Qazaqstan men Túrkııanyń ulttyq kompanııalary arasyndaǵy ózara is-qımylǵa, sondaı-aq energetıka sektoryndaǵy birlesken jobalardy iske asyrýǵa erekshe nazar aýdaryldy.
Kezdesý barysynda munaı-gaz hımııasy, kómir hımııasy, tómen kómirtekti energetıkany damytý jáne ınvestıtsııalar tartý máseleleri de qaraldy. Kelissózder qorytyndysy boıynsha taraptar Qazaqstan men Túrkııa arasyndaǵy energetıka salasyndaǵy strategııalyq áriptestikti odan ári nyǵaıtýǵa ózara múddeliligin rastady.
Aıta keteıik, Taıaý Shyǵystaǵy shıelenistiń kúsheıýine baılanysty álemdik munaı naryǵynda baǵa qaıta óse bastady.
