Munaı-gaz alpaýyttary 10 jylda el bıýdjetine qansha salyq tóledi

Munaı-gaz alpaýyttary – Qashaǵan, Teńiz, Qarashyǵanaq ken oryndaryn ıgerip jatqan kompanııalar sońǵy 10 jylda Qazaqstan bıýdjetine 30 trln teńgege jýyq salyq tóledi, dep habarlaıdy Kazinform.

Qarjy mınıstrliginiń memlekettik kirister komıteti usynǵan derekterge sáıkes, sońǵy 10 jyldyń ishinde «Teńiz» (Tengizchevroil), «Qarashyǵanaq» (Karachaganak Petroleum Operating B.V.), «Qashaǵan» (NCOC) ken oryndaryn ıgerip jatqan iri munaı kompanııalary elimizdiń bıýdjetine 29 trln 967 mlrd 728 mln teńge salyq aýdarǵan. 

Bul rette munaı óndirý kólemine baılanysty salyq túsimderi ózgerip otyrady.

Máselen, osy 10 jyldyń ishindegi túsimdi salystyrsaq, eń úlken soma 2022 jylǵa tıesili bolyp otyr.

ıAǵnı, ótken jyly 3 ken ornynan bıýdjetke 6 trln 720 mlrd 285 mln teńge, onyń ishinde Teńiz ken ornynan 2 trln 841 mlrd 762 mln, Qashaǵannan 196 mlrd 056 mln, Qarashyǵanaqtan 923 580 mln teńge salyq túsken.

Bıylǵy 9 aıdaǵy kórsetkish te jaman emes. Salyq mólsheri — 3 trln 961 mlrd 398 mln teńge.

Aıta keterligi, Teńiz ben Qarashyǵanaqtan salyq túsimi múltiksiz oryndalyp keledi.

Al Qashaǵan ken ornyn ıgerip jatqan kompanııaǵa 4 márte, naqtyraq aıtqanda 2013, 2014, 2015 jáne 2017 jyldary qosylǵan qun salyǵyn qaıtarý esebinen memlekettik bıýdjetten jalpy somasy 247 mlrd 924 mln teńge qaıtarylǵan.

Jalpy, sońǵy 10 jyldyń ishinde Tengizchevroil bıýdjetke 19 trln 958 mlrd 719 mln, NCOC 982 mlrd 101 mln, Karachaganak Petroleum Operating B.V. 9 trln 26 mlrd 908 mln teńge salyq aýdarǵan.