Munaı eksporttaýdyń qosymsha baǵyttary boıynsha jumys kúsheıedi – mınıstr

ASTANA. KAZINFORM – Energetıka mınıstri Erlan Aqkenjenov munaı eksporty ne sebepti azaıǵanyn túsindirdi.

- Apatty jaǵdaı munaı eksportyn azaıtatyny túsinikti. Munaı eksportynyń 80 paıyzy Kaspıı qubyry arqyly jóneltilip jatyr. Bolǵan apattar keri áserin tıgizdi. 3,6 mln tonna munaı tasymalyn azaıttyq, - dedi E. Aqkenjenov Parlament Májilisinde tilshiler suraǵyna jaýap bere otyryp.

Onyń aıtýynsha, Munaıdyń 80 paıyzy Kaspıı qubyry arqyly eksportqa shyǵarylyp jatyr.

Oǵan qosa, «Atyraý – Samara» baǵytynda 8,8 mln tonna munaıdy tasymaldaý qamtamasyz etiledi. Sondaı-aq Qazaqstan-Qytaı munaı qubyry arqyly da eksport bolady. 

- Munaıdy eksporttaýdyń qosymsha baǵyttary boıynsha aýqymdy jumys júrip jatyr, - dedi mınıstr.

Budan buryn habarlanǵandaı, 18 qańtarda Teńiz ken ornynda órt bolyp, 450-den asa jumysshy evakýatsııalanǵan edi. 

26 qańtardla Teńiz ken ornynda munaı óndirý qaıta jandanǵany habarlandy.

Sonymen qatar, Energetıka mınıstrligi jeltoqsan aıynda KQK teńiz termınaly arqyly munaı jóneltý kóleminiń ýaqytsha tómendegenin rastady.