Munaı barreliniń baǵasy 80 dollardan tómen tústi
A. Mamyrdyń 6-sy. QazAqparat - Mamyrdyń 5-indegi saýdanyń qorytyndysy boıynsha London bırjasynda Brent munaıynyń resmı baǵasy 3,06 dollarǵa tómendep, 82,61 dollar/barreldi qurady, dep habarlady RBK agenttigi.
Al Nıý-Iork bırjasynda Light Sweet markaly munaıdyń baǵasy 2,77 dollarǵa arzandap, 79,97 dollar/barreldi shamalady.
Baǵanyń tómendeýine álemdik valıýtalyq naryqtaǵy AQSh dollarynyń nyǵaıa túsýi, sondaı-aq AQSh Energetıka mınıstrliginiń eldegi munaı qory boıynsha aqparaty negiz bolyp otyr. Atap aıtqanda, AQSh-ta shıki munaıdyń kommertsııalyq qory sáýirdiń 24-30-y aralyǵynda 2,8 mıllıon dollarǵa artyp, 360,6 mıllıon barreldi quraǵan. Al sarapshylar atalǵan aptada munaıdyń qory nebári 1,1 mıllıon barrelge ǵana ósedi dep kútken bolatyn.
