Munaı barreliniń baǵasy 80 dollardan asty
ASTANA. Qazannyń 2-si. QazAqparat - Munaı baǵasy osymen úshinshi kún qatarynan qymbattap otyr, qazannyń 1-indegi saýdada «qara altynnyń» baǵasy 80 dollar/barrelden asty, dep habarlaıdy RBK agenttigi.
Atap aıtqanda, ISE Futures Europe elektrondyq taýarly bırjasynda Brent markaly munaıdyń baǵasy 1,44 dollarǵa kóterilip, 83,75 dollar/barreldy qurasa, London bırjasynda «qara altynnyń» baǵasy shamaly ǵana kóterildi.
Al Nıý-Iork bırjasynda Light Sweet markaly munaıdyń baǵasy 1,61 dollarǵa qymbattap, 81,58 dollar/barreldi shamalady.
Qytaı men AQSh-tan jetken statıstıkalyq málimetter munaı naryǵyna oń áserin tıgizip otyr. OPEK-tiń múshesi bolyp tabylatyn Ekvadorda memlekettik búlik jasaý áreketine baılanysty tótenshe jaǵdaıdyń jarııalanýy da naryqqa qoldaý bolǵan.
