Munaı barreliniń baǵasy 110 dollardan asty
ASTANA. 18 naýryz. QazAqparat - 17 naýryzdyń qorytyndysy boıynsha London bırjasynda Brent munaıynyń baǵasy 4,30 dollarǵa qymbattap, 114,90 dollar/barrelge jetti.
Al Nıý-Iork bırjasynda Light Sweet munaıynyń resmı baǵasy 3,44 dollarǵa kóterilip, 101,42 dollar/barreldi qurady, dep habarlaıdy RBK agenttigi.
Sarapshylardyń paıymdaýynsha, munaıdyń baǵasyna Taıaý Shyǵystaǵy oqıǵalar áser etip otyr. Ondaǵy jaǵdaıdyń ýshyǵýy «qara altynnyń» jetkizilimine kedergiler keltirýi ábden yqtımal.
BUU Qaýipsizdik keńesi, oppozıtsııa basyp alǵan qalalardy bombylaýǵa jol bermeý jáne beıbit halyqty aman alyp qalý úshin, Lıvııanyń ústinde ushýǵa tyıym salynǵan aýmaq qurý týraly qarardy maquldaǵanyn QazAqparat buǵan deıin habarlaǵan bolatyn. Qabyldanǵan qararda Lıvııa avıatsııasy úshin eldiń áýe keńistigin jabý, jerústi kúshteriniń qatysýynsyz áskerı operatsııalaý jasaý jáne Mýamar Kaddafımen baılanysy bar eldiń ortalyq banki men Lıvııanyń ulttyq munaı kompanııalarynyń esepshottaryn jabý múmkindikteri qarastyrylǵan. Qarardyń avtorlary - Lıvan, Ulybrıtanııa, Frantsııa jáne AQSh. Qaýipsizdik keńesiniń 15 múshesiniń 10-y qarardy qoldap daýys berse, bes el qalys qaldy, olardyń qatarynda Reseı, Qytaı, Germanııa bar.
