Munaı baǵasynyń tómendeýi Qazaqstannyń jalpy eksporttan túsken paıdasyn azaıtyp jiberdi - Ekonomıka mınıstrligi
ASTANA. QazAqparat - Munaı baǵasynyń tómendeýi Qazaqstannyń jalpy eksporttan túsken paıdasyn azaıtyp jiberdi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde QR Ekonomıka jáne bıýdjettik josparlaý mınıstrligi "Saýda saıasatyn damytý ortalyǵy" AQ basshysy Rýslan Sultanov málim etti.
"Munaıdyń ımport-eksport dınamıkasyna qaraıtyn bolsaq, 2012 jylmen salystyrǵanda byltyr munaı eksportynyń kólemi azdap tómendegen. Buǵan byltyr syrtqa shyǵarylatyn qazaqstandyq munaı baǵasynyń 2 paıyzǵa tómendeýi sebep bolyp otyr. Munaı men gaz Qazaqstannyń syrtqy saýdasynyń 60-70 paıyzyn quraıtynyn eskersek, onyń tek 2 paıyzǵa tómendeýi Qazaqstannyń jalpy eksporttyq paıdasyn 1,2 mlrd. dollarǵa azaıtyp jiberdi", - dep atap ótti ol.
Onyń aıtýynsha, eksporttyq paıda kemigenimen, Kedendik Odaq elderi arasynda saýda kólemi jyldan jylǵa serpindi túrde artyp keledi.
