Munaı baǵasy úsh aptanyń ishinde alǵash ret 118 dollar/barrelge deıin qymbattady
ANA. 8 shilde. QazAqparat - Keshegi saýdanyń qorytyndysy boıynsha London jáne Nıý-Iork bırjalarynda munaı baǵasy edáýir qymbattady.
London bırjasynda Brent qospasynyń baǵasy 4,4 paıyzǵa qymbattap, úsh aptanyń ishinde alǵash ret 118 dollar/barrelden asty. Al Nıý-Iork bırjasynda WTI munaıynyń baǵasy 2,1 paıyzǵa qymbattap, 98 dollar/barrelge deıin jetti, dep habarlaıdy RBK agenttigi.
Munaı fıýchersteriniń resmı baǵasy maýsym aıynyń ortasynan bergi maksımaldy baǵaǵa alǵash ret keshe jetti. Munaı baǵasynyń qymbattaýyna energotasymaldaǵyshtarǵa degen suranystyń ósý yqtımaldyǵy týraly boljam sebep bolyp otyr, deıdi sarapshylar. Al suranystyń artýyna óz kezeginde, AQSh-tyń eńbek naryǵyndaǵy ahýal men eldegi shıki munaıdyń kommertsııalyq qorynyń qysqarýy sebep bolýda.
