Munaı baǵasy taǵy tómendedi
ASTANA. 19 sáýir. QazAqparat - 18 sáýirdegi saýdanyń qorytyndysy boıynsha Nıý-Iork bırjasynda Light Sweet munaıynyń resmı baǵasy 2,54 dollarǵa tómendep, 107,12 dollar/barreldi qurady, dep habarlaıdy RBK agenttigi.
Al London bırjasynda Brent munaıynyń resmı baǵasy 1,84 dollarǵa arzandap, 121,61 dollar/barreldi qurady.
Munaı fıýchersteri baǵasynyń tómendeýine olardyń tehnıkalyq satylymy sebep bolyp otyr. Oǵan qosa, ІІ toqsanda munaı óńdeý kóleminiń maýsymdyq qysqaratyndyǵyna baılanysty álemdik naryqta munaıdyń artyq qorynyń qordalanyp qalý yqtımaldyǵyna qatysty alańdaýshylyq da baǵaǵa óz áserin tıgizip otyr.
Álemdik naryqta munaı usynysynyń shamadan artyq bolý yqtımaldyǵyna alańdaǵan Saýd Arabstany 2011 jyldyń naýryz aıynda óz munaı óndirisin táýligine 8,3 mıllıon barrelge deıin qysqartty. Aqpan aıynda bul kórsetkish táýligine 9,1 mıllıon/barreldi quraǵan-tyn. Degenmen, naryqty tynyshtandyryp, munaıdyń joǵary baǵasyn saqtap qalýǵa jalǵyz Saýdııanyń shamasy jetpeı otyr.
