Munaı baǵasy sáýirden bergi barynsha joǵary aptalyq ósimdi kórsetti
Qyrkúıekte ótetin OPEK músheleriniń beıresmı kezdesýi kútilýi jaǵdaıynda Brent munaıynyń baǵasy sáýirden bergi eń joǵary aptalyq ósimdi kórsetti, dep jazady Financial Times.
Brent munaıynyń barreli 46,8 dollarǵa baǵalanýda, bul budan burynǵy saýda-sattyq baǵasynan 1,65% joǵary jáne úsh aptanyń ishindegi eń joǵary ósim boldy. Apta ishinde munaı 2,5 dollarǵa qymbattady. Sońǵy ret mundaı mejege sáýirdiń sońynda qol jetkizilgen bolatyn.
Amerıkandyq WTI sorty 1,85%-ǵa qymbattap, barreli 44,3 dollarǵa jetti, beısenbi kúni onyń baǵasy birden 4,3%-ǵa joǵarylady.
Sońǵy 48 saǵattyń ishinde munaı baǵasynyń ósýi Saýd Arabııasynyń energetıka mınıstri Halıd ál-Falıhtyń koroldik munaı naryǵyn turaqtandyrýǵa kómekteskisi keletini týraly málimdemesinen keıin baıqaldy. Budan buryn OPEK Aljırde 26-28 qyrkúıek kúnderi ótetin Halyqaralyq energetıkalyq forým aýqymynda beıresmı kezdesý ótkizýdi josparlap otyrǵany belgili boldy, dep jazady RBK.
Ótken aptada munaı naryǵy AQSh-ta benzın qorynyń ulǵaıýy jaǵdaıynda shildede qol jetkizilgen barynsha joǵary deńgeıinen 20 paıyzǵa tómendegen jańa fazasyna endi.
