Munaı baǵasy ósip jatyr

LONDON. QazAqparat - Londonnyń ICE bırjasynda jeltoqsan aıynda jetkiziletin Brent markaly munaı fıýchersteriniń quny 5,04% ósip, bir barreli - 41,25 dollar boldy, dep habarlaıdy QazAqparat TASS agenttigine silteme jasap.

Bul jaıynda saýda alańynyń málimetterinen belgili boldy.

Sonymen qatar, WTI markaly munaıdyń baǵasy 5,38% qymbattap, bir barreli 39,35 dollardan saýdalanyp jatyr.

Aıta keteıik, buǵan deıin QR Ulttyq banki munaı baǵasynyń quldyraýy ulttyq valıýtany álsiretkenin jáne ol naryqtyń budan bylaıǵy perspektıvalary men kómirsýtekke suranysyna qaýip tóndiretinin málimdegen bolatyn.