Munaı baǵasy ósip keledi
ASTANA. QazAqparat - Munaıdyń álemdegi baǵasy ósip keledi. Sarapshylardyń pikirinshe, «qara altyn» qorynyń kóbeıýi onyń qunynyń artýyn shekteýi múmkin.
Máskeý ýaqytymen saǵat 07.22 jaǵdaı boıynsha naýryz fıýchersterinde Brent markili munaı barreli 0,64% , ıaǵnı 59,93 dollarǵa qymbattady. Naýryz fıýchersterinde WTI munaıynyń bir barreliniń baǵasy 1,21% - 51,09 dollarǵa deıin ósti, dep jazdy RIA Novostı.
Sarapshylar atap ótkendeı, munaı baǵasy AQSh-taǵy «qara altyn» qorynyń ulǵaıýyna baılanysty ózgeredi. Eldiń energetıka mınıstrliginiń málimetine saı 30 qańtarda aıaqtalǵan bir apta ishinde memlekettegi munaı qory 80 jyldaǵy eń joǵary deńgeıge 6,3 mıllıon barrelge, ıaǵnı 413,1 mıllıon barrelge deıin kóterildi.
