Munaı baǵasy qaıta qymbattady
STANA. Naýryzdyń 17-si. QazAqparat - Naýryzdyń 16-syndaǵy saýdanyń qorytyndysy boıynsha jetekshi munaı bırjalarynda «qara altynnyń» baǵasy edáýir qymbattady.
Aldaǵy aıda jetkiziletin munaı fıýchersteriniń resmı baǵasy týraly aıtar bolsaq, London bırjasynda IPE Brent Crude markaly munaıdyń baǵasy 1,13 dollarǵa qymbattap, 79,02 dollar/barrelge jetse; Nıý-Iork bırjasynda Light, Sweet Crude Oil markaly munaıdyń baǵasy 1,90 dollarǵa qymbattap, 81,70 dollar/barreldi qurady, dep habarlaıdy RBK agenttigi.
Naryqqa áser etip otyrǵan negizgi faktor - búgin, naýryzdyń 17-sinde Venada ótetin OPEK májilisinen kóp úmittiń kútilýi. Búgingi otyrysta munaı óndirý kvotasy burynǵy deńgeıge qaldyrylýy múmkin degen boljamdar aıtylýda.
