Munaı baǵasy Kaddafı bıligimen qosa quldyraýda
ASTANA. 22 tamyz. QazAqparat - Dúısenbi, 22 tamyzda tanymal álemdik saýda alańdarynda búlikshiler Trıpolı qalasyn basyp alyp, Mýamar Kaddafıdiń bıligi shegine jetti degen habardan keıin, munaı baǵasy tómen qaraı quldyraýda,
dep jazady BFM.
WTI (Light Sweet) markaly amerıkalyq jeńil munaıǵa degen qyrkúıektik fıýchersterdiń baǵasy Nıý-Iorktegi Comex bırjasynda Máskeý ýaqyty boıynsha 10:29-da 0,78 dollarǵa arzandap, barreline 81,48 dollardy qurady. Máskeý ýaqyty boıynsha 10:28-de Brent markaly soltústikteńiz munaı qospasynyń baǵasy 2,9 dollarǵa arzandap, barreline 105,72 dollarǵa jetti.
«Eger Kaddafı rejımi qulaıtyn bolsa, Brent baǵasy da tómendeıtin bolady, sebebi lıvııalyq munaıdy jetkizýdegi kidiris endi óz sheshimin tabady», - degen pikirimen bólisti Purvin & Gertz ınvestıtsııalyq kompanııasynyń seriktesi Vıktor Shým Dow Jones Newswires agenttigine bergen suhbatynda.
