Munaı baǵasy barreline 102 dollarǵa jetti
ANA. 10 aqpan. QazAqparat - Brent munaıynyń resmı baǵasy InterContinental Exchange Futures Europe (ISE Futures Europe) elektrondyq taýarlyq bırjasynda
2011 jyldyń 9 aqpanyndaǵy saýda qorytyndysy boıynsha 1,90 dollarǵa ósip, barreline 101,82 dollardy qurady, dep habarlaıdy bnews.kz. Sol oraıda, WTI (Light Sweet) munaıynyń resmı baǵasy Nıý-Iork qalasyndaǵy New York Mercantile Exchange (NYMEX) jedel taýar bırjasynda 0,23 dollarǵa tómendep, 86,71 dollardy qurady.
Baǵa belgileýdiń nyǵaıýyna Mysyr jáne basqa arab elderindegi ahýal sebepker bolyp tur. 9 aqpannyń keshinde Mysyrdaǵy ahýal qaıtadan ýshyqty.
Baǵaǵa yqpal etken taǵy da bir jáıt Meksıka shyǵanaǵyndaǵy «Poseıdon» munaı qubyryn qamtamasyz etetin platformada munaı óndirýdiń toqtatylýy bolyp sanalady. Nátıjesinde, munaı qubyryndaǵy ótkizý kólemi kúnine 300 myń barrel ótkizý qabiletiniń úshten birine tómendedi.
