Munaı baǵasy arzandaýyn toqtatar emes
ASTANA. Tamyzdyń 20-sy. QazAqparat - Investorlardyń AQSh ekonomıkasynyń qalpyna kelý qarqynyna qatysty alańdaýshylyqtaryna baılanysty beısenbi, tamyzdyń 19-ynda álemdik naryqtarda munaıdyń baǵasy taǵy tómendedi, dep habarlaıdy «RIA «Novostı» agenttigi.
Nıý-Iork bırjasynda Light Sweet Crude Oil markaly munaıdyń qyrkúıek aıyna jasalǵan fıýchersteriniń baǵasy 0,99 dollarǵa arzandap, 74,43 dollar/barreldi qurasa, London bırjasynda Brent Crude Oil markaly munaı fıýchersteriniń baǵasy 1,17 dollarǵa tómendep, 75,30 dollar/barreldi shamalady.
