Munaı baǵasy arzandady

BAKÝ. QazAqparat – Dúısenbi kúngi kórsetkish boıynsha munaı baǵasy arzandady. Álemdik munaı óndirýshiler osy aptada óndiris kólemin ózgerissiz saqtaıdy dep boljaıdy, al ınvestorlar Munaı eksporttaýshy elder uıymy (MEEU) men AQSh-tyń Federaldy rezerv júıesiniń (FRJ) otyrysyn kútip otyr, dep habarlaıdy QazAqparat tilshisi.

Londondaǵy ICE Futures bırjasyndaǵy naýryz fıýchersteriniń baǵasy Baký ýaqyty boıynsha saǵat 10:00-ge deıin barreline $86,08 quraıdy, bul aldyńǵy sessııanyń jabylý baǵasynan $0,58 (0,67 %) tómen.

Nıý-Iork taýar bırjasynyń (NYMEX) elektrondy naryǵynda naýryz aıyna arnalǵan WTI munaı fıýchersteriniń baǵasy osy ýaqytqa deıin barreline $79,15 bolsa, bul aldyńǵy sessııanyń qorytyndy máninen $0,53 (0,67 %) tómen.

Munaı eksporttaýshy elder uıymy (MEEU) men odaqtastardyń kezdesýi 1 aqpanda ótedi dep josparlanyp otyr.

Alaıda sarapshylar bul jıynnyń qazirgi munaı saıasatyna áser etýi ekitalaı dep boljaıdy.

1-10 aqpannan bastap Reseıdiń Baltyq porttarynan (Ýst-Lýga, Prımorsk jáne Novorossıısk) Urals, KEBCO jáne Siberian Light sııaqty shıki munaı eksportynyń artýy týraly boljam sońǵy úsh aptada alǵash ret tirkelgen Brent jáne WTI etalondary qunynyń tómendeýine ákeldi.

National Australia Bank málimetinshe, osy aptadaǵy otyrysta MEEU óndirisinde eshqandaı ózgerister jarııalanbaıdy jáne AQSh FRJ-nyń boljam boıynsha túsiniktemeleri bolashaqta boljamnyń negizgi faktory bolady.

1 aqpanda Federaldy rezerv júıeciniń otyrysy qarsańynda naryq AQSh-tyń Ortalyq banki stavkanyń ósýin 50-den 25 bazıstik tarmaqqa deıin tómendetedi dep kútedi. Bul álemdegi eń iri munaı ónimi - janarmaıǵa degen suranysty shekteıdi.

Munaı baǵasy ótken demalys kúnderi Iran ınfraqurylymyna jasalǵan shabýyldan keıin Taıaý Shyǵystaǵy shıelenis jaǵdaıynda, sondaı-aq koronavırýs shekteýleriniń álsireýine baılanysty Qytaı ekonomıkasynyń qaıta jandanýymen kóterildi.

Bul qara altynǵa degen suranystyń artýyna yqpal etip otyr.

Foto: aa.com.tr