Munaı baǵasy 87 dollar/barreldi shamalap qaldy
ASTANA. Sáýirdiń 7-si. QazAqparat - Sáýirdiń 6-sy kúni jetekshi munaı bırjalarynda ótken saýdanyń qorytyndysy boıynsha «qara altynnyń» álemdik naryqtaǵy baǵasy taǵy kóterildi,
dep habarlaıdy RBK.
Aldaǵy aıda jetkiziletin munaı fıýchersteriniń baǵasy Londonda - IPE Brent Crude markaly munaı úshin - 0,27 dollarǵa qymbattap, 86,15 dollar/barreldi qurasa, Nıý-Iork bırjasynda - Light, Sweet Crude Oil markaly munaı úshin - 0,22 dollarǵa qymbattap, 86,84 dollar/barreldi shamalady.
Munaı baǵasynyń qymbattaýyna energoresýrstardyń álemdegi eń iri tutynýshysy sanalatyn Qurama Shtattardyń ekonomıkalyq jaǵdaıy týraly oń málimetter negiz bolyp otyr, deıdi sarapshylar.
