Munaı baǵasy 86 dollar/barrelden asty
ASTANA. Sáýirdiń 6-sy. QazAqparat -Sáýirdiń 5-indegi saýdanyń qorytyndysy boıynsha munaıdyń álemdik baǵasy edáýir qymbattady, dep habarlaıdy RBK agenttigi.
Aldaǵy aıda jetkiziletin munaı fıýchersteriniń resmı baǵasy London bırjasynda IPE Brent Crude markaly munaı úshin 1,87 dollarǵa qymbattap, 85,88 dollar/barreldi qurasa, Nıý-Iork bırjasynda Light, Sweet Crude Oil markaly munaı úshin 1,75 dollarǵa qymbattap, 86,62 dollar/barreldi qurady.
Sarapshylardyń aıtýynsha, bul baǵa sońǵy 18 aıdaǵy eń joǵary kórsetkish. Esterińizge sala keteıik, munaı baǵasynyń tarıhı maksımýmy 2008 jyldyń jazynda ornatylyp, barrel baǵasy 150 dollarǵa derlik jetken bolatyn.
Sarapshylar munaı baǵasynyń qymbattaýyn AQSh-tyń eńbek naryǵyndaǵy oń úrdistermen baılanystyryp otyr.
