Munaı baǵasy 81,45 dollarǵa deıin tústi
ASTANA. Sáýirdiń 20-sy. QazAqparat - Sáýirdiń 19-ynda ótken saýdanyń qorytyndysy boıynsha Nıý-Iorkte Light Sweet markaly munaıdyń baǵasy 1,79 dollarǵa tómendep, 81,5 dollar/barreldi qurady. Al London bırjasynda Brent munaıynyń baǵasy 1,76 dollarǵa arzandap, 84,23 dollar/barreldi shamalady,
dep habarlaıdy RBK agenttigi.
Sarapshylardyń atap kórsetýinshe, munaı baǵasynyń tómendeýine Islandııadaǵy janartaýdyń atqylaýy saldarynan Eýropaǵa avıatsııalyq otynǵa degen suranystyń tómendeýi sebep bolyp otyr. Olardyń pikirinshe, bul faktor munaı baǵasy qysqa ǵana merzimge áser etýi múmkin, tútin seıilgen soń, baǵa qaıta qalpyna kelýi yqtımal.
Esterińizge sala keteıik, Eýrokomıssııa keshe ushý saparlaryn jartylaı jandandyrý týraly sheshim qabyldady. Qabyldanǵan sheshimge sáıkes, barlyq eýropalyq keńistik janartaý kúliniń atmosferadaǵy quramyna qatysty úsh aýmaqqa bólinetin bolady. Táýekel deńgeılerine baılanysty ár aýmaqqa arnap ushý kestesi ázirlenbek.
