Munaı baǵasy 75 dollar/barrelden asty
ASTANA. Maýsymnyń 4-i. QazAqparat - Maýsymnyń 3-indegi saýdanyń qorytyndysy boıynsha Nıý-Iork bırjasynda Light Sweet markaly munaıdyń resmı baǵasy 1,75 dollarǵa qymbattap, 74,61 dollar/barrelge jetti, dep habarlaıdy RBK agenttigi.
Al London bırjasynda Brent munaıynyń resmı baǵasy 1,66 dollarǵa kóterilip, 75,41 dollar/barreldi shamalady.
«Qara altyn» AQSh Energetıka mınıstrliginiń sońǵy baıandamasynan keıin qymbattap otyr. Sońǵy derekterge súıensek, mamyrdyń 22-28-i aralyǵyndaǵy aptada AQSh-ta shıki munaıdyń kommertsııalyq qory, sarapshylar kútkendeı 1 mıllıon barrelge emes, 1,9 mıllıon barrelge tómendep, 363,2 mıllıon barreldi qurap otyr.
