Munaı baǵasy 72 dollar/barrelge deıin tómendedi
ASTANA. Maýsymnyń 5-i. QazAqparat - Maýsymnyń 4-indegi saýdanyń qorytyndysy boıynsha Nıý-Iork bırjasynda Light Sweet munaıynyń resmı baǵasy birden 3,10 dollarǵa tómendep, 71,51 dollar/barreldi qurady, dep habarlaıdy RBK agenttigi.
Al London bırjasynda Brent munaıynyń baǵasy 3,32 dollarǵa arzandap, 72,09 dollar/barreldi shamalady.
Munaı baǵasynyń munshalyqty quldyraýyna AQSh-taǵy eńbekpen qamtýdyń jaǵdaıy týraly sońǵy esep sebep bolyp otyr, deıdi sarapshylar. Mamyr aıynyń qorytyndysy boıynsha, aýyl sharýashylyǵy emes salalarda jumys oryndarynyń ósýi 431 myńdy quraǵan, al sarapshylar eń az degende, 513 myń oryndy boljaǵan bolatyn.
Oǵan qosa, qurylǵan barlyq jumys oryndarynyń 411 myńy ýaqytsha bolyp tabylady jáne olar 2010 jyly halyq sanaǵyn ótkizý úshin qurylǵan jumys oryndary.
Mamyr aıynda jekemenshik sektorda nebári 41 myń jumys orny qurylǵan. Sarapshylar, bul kórsetkish 190 myńdy shamalaıdy dep boljaǵan edi. ıAǵnı, ýaqytsha jumys oryndaryn eseptemegende, mamyr aıynda eldiń aýyl sharýashylyǵy emes salalarynda nebári 20 myń jańa jumys orny qurylǵan.
