Munaı baǵasy 50 dollardan asty

ASTANA. QazAqparat - Brent markaly munaı barreliniń baǵasy 22 maýsymda londondyq ICE bırjasynda 0,68 paıyzǵa - 50,97 dollarǵa deıin qymbattady. Amerıkalyq WTI munaıynyń barreli 0,89 paıyzǵa kóterilip, 50,31 dollardy qurady, dep habarlady Lenta.ru.

«Fınam» kompanııasynyń sholýynda atalyp ótilgendeı, baǵalardyń ósýi AQSh-ta munaı qorynyń tómendegeni týraly málimetteriniń jarııalanýymen baılanysty. Amerıkalyq munaı ınstıtýtynyń (API) aqparatynsha, munaı qorynyń azaıýy 5,2 mıllıon barreldi qurady. Bul naryq boljamynan úsh ese kóp.  

Sonymen qatar, sársenbi AQSh Energııa mınıstrliginiń munaı qory týraly málimetteri jarııalanady dep kútilýde.