Munaı baǵasy 40 dollardan tómendese, teńge baǵamyna túzetý engiziledi - QR Ulttyq banki

ASTANA. QazAqparat - Munaı baǵasy 40 dollardan tómendese, teńge baǵamyna túzetý engiziledi. Bul týraly búgin Aqordada Elbasy Nursultan Nazarbaevtyń tóraǵalyǵymen ótip jatqan QR Úkimetiniń keńeıtilgen otyrysynda Ulttyq bank tóraǵasy Danııar Aqyshev málim etti.

«Qazirgi ýaqytta teńgeniń reseılik rýblge parıteti naqty aǵymdaǵy kórsetkishi esebi arqyly, ıaǵnı, ınflıatsııany eskere otyryp qol jetkizildi. ıAǵnı, biz 2014 jyldyń basyndaǵy munaı baǵasy quldyrap, reseılik rýbl devalvatsııaǵa ushyraǵan kezge jettik. Taıaý aralyqta baǵamnyń aıtarlyqtaı ózgeriske ushyraı qoıýy neǵaıbyl. Teris stsenarıılerdiń basym bóligi oryn alyp boldy. ıAǵnı, munaı baǵasy eki eseden astamǵa quldyrady, rýbl quny tústi», - dedi ol.

Onyń atap ótýinshe, taıaý aralyqta syrtqy konıýnktýranyń aıtarlyqtaı nasharlaýy baıqalyp otyrǵan joq. Sondyqtan Ulttyq bank teńge baǵamy túzilimine yqpal etpeıtin bolady. «Biz irgeli trendterge aralaspaıtyn bolamyz. ıAǵnı, eger munaı baǵasy barreline 40 dollardan tómendeıtin bolsa, onda baǵam túzetiletin bolady», - degen D.Aqyshev mundaı jaıt oryn alǵannyń ózinde de aıyrbas baǵamynyń kúrt álsireýine ne bolmasa nyǵaıýyna jol bermeıtindikterin basa aıtty. «Biz qoǵamǵa naryqtaǵy ahýaldy túsindiretin bolamyz. Buǵan qosa, aǵymdaǵy jaǵdaıda aıyrbas operatsııalarynan alaıaqtyq tabys alýdyń ózi kúdik týdyrady. Tipti, utylyp qalýǵa da bolady», - dep qosty Ulttyq bank tóraǵasy.