Munaı baǵasy 4 dollarǵa jýyq arzandap ketti
ASTANA. Aqpannyń 5-i. QazAqparat - Jetekshi munaı bırjalarynda aqpannyń 4-i kúni bolǵan saýdanyń qorytyndysy boıynsha munaıdyń álemdik baǵasy edáýir tómendep ketti.
Aldaǵy aıda jetkiziletin munaı fıýchersteriniń resmı baǵasy: Londonda - IPE Brent Crude - markaly munaı úshin - 3,79 dollarǵa arzandap, 72,13 dollar/barreldi; Nıý-Iork bırjasynda - Light, Sweet Crude Oil markaly munaı úshin - 3,84 dollarǵa arzandap, 73,14 dollar/barreldi qurady, dep habarlaıdy RBK.
Munaı baǵasynyń munshalyqty tómendeýine ótken aptada energotasymaldaǵyshtarǵa degen tómen suranystyń saqtalýyna baılanysty AQSh-ta shıki munaı qorynyń kúrt artqany týraly aqparat áser etti, deıdi sarapshylar.
