Munaı baǵasy 3 dollardan astamǵa qymbattady
ASTANA. 2 naýryz. QazAqparat - 1 naýryzdaǵy saýdanyń qorytyndysy boıynsha London bırjasynda Brent munaıynyń resmı baǵasy 3,62 dollarǵa kóterilip,
115,42 dollar/barrelge jetti, dep habarlaıdy RBK agenttigi.
Al Nıý-Iork bırjasynda Light Sweet munaıynyń baǵasy 2,66 dollarǵa qymbattap, 99,63 dollar/barreldi shamalady.
Sarapshylar bul jaǵdaıdy Lıvııaǵa qarsy halyqaralyq sanktsııalardyń engizilý múmkindigimen jáne Omanda bastalǵan halyq tolqýlarymen baılanystyryp otyr.
Oman OPEK-ke múshe el bolmaǵanymen, Saýd Arabstanyna jaqyn ornalasqan jáne Omanda óndiriletin munaı Taıaý Shyǵystaǵy bazalyq qor sanalady. Taıaýshyǵys óńirinde óndiriletin basqa munaı markalarynyń baǵasy omandyq munaıdyń baǵasyna negizdeledi.
