Munaı baǵasy 2 dollarǵa derlik arzandady
ASTANA. 9 naýryz. QazAqparat - 8 naýryzdaǵy saýdanyń qorytyndysy boıynsha London bırjasynda Brent munaıynyń resmı baǵasy 1,98 dollarǵa arzandap, 113,06 dollar/barreldi qurady, dep habarlady RBK agenttigi.
Al Nıý-Iork bırjasynda Light Sweet munaıynyń baǵasy 0,42 dollarǵa tómendep, 105,02 dollar/barreldi shamalady.
Lıvııadaǵy azamattyq soǵystyń saldarynan álemdik naryqta oryn alyp otyrǵan shıkizat jetispeýshiliginiń ornyn toltyrý jáne «qara altynnyń» aspandap bara jatqan baǵasyn aýyzdyqtaý úshin OPEK-tiń óndiristi artyrý múmkindigin qarastyryp jatqany týraly aqparattan keıin munaı baǵasy arzandap otyr.
MAGATE-niń deregi boıynsha Lıvııadaǵy azamattyq soǵystyń saldarynan álem elderi kúndelikti 850 myń barrelden 1 mıllıon barrelge deıin munaıdy kem alyp otyrǵan kórinedi.
