Munaı baǵasy 110 dollardan asty
ASTANA. 17 naýryz. QazAqparat - 16 naýryzdaǵy saýdanyń qorytyndysy boıynsha London bırjasynda Brent munaıynyń resmı baǵasy 2,10 dollarǵa kóterilip, 110,62 dollar/barreldi qurady.
Al Nıý-Iork bırjasynda Light Sweet munaıynyń resmı baǵasy 0,80 dollarǵa joǵarylap, 97,88 dollar/barreldi shamalady, - dep habarlaıdy RBK agenttigi.
"Munaı fıýchersteri baǵalarynyń ósýine Japonııanyń qor bırjasyndaǵy jaǵdaı áserin tıgizip otyr", - deıdi sarapshylar. Atap aıtqanda, eldiń jetekshi Nikkei aktsııalarynyń ındeksi sársenbi kúni 5,68 paıyzǵa ósip, munaı naryǵyndaǵy jaǵdaıdy turaqtandyrýǵa sep bolǵan.
Oǵan qosa, qaqtyǵys jaılaǵan Afrıkadaǵy, onyń ishinde Lıvııadaǵy jaǵdaı da naryqqa áserin tıgizýde.
