Munaı baǵasy 10 dollardan astamǵa quldyrady
ASTANA. 6 mamyr. QazAqparat - 5 mamyrdaǵy saýdanyń qorytyndysy boıynsha London bırjasynda Brent munaıynyń resmı baǵasy birden 10,39 dollarǵa quldyrap,
110,80 dollar/barreldi qurady, dep habarlaıdy RBK agenttigi.
Al Nıý-Iork bırjasynda Light Sweet munaıynyń baǵasy 9,44 dollarǵa arzandap, resmı baǵa 99,80 dollar/barreldi qurady.
Sarapshylardyń aıtýynsha, baǵanyń kúrt tómendeýine AQSh-ta munaıǵa degen suranystyń álsizdigi sebep bolyp otyr. Sonymen qatar dollardyń nyǵaıýy, AQSh-taǵy jumyssyzdyq deńgeıiniń joǵarylyǵy jáne dúnıejúzi boıynsha ekonomıkanyń ósýiniń baıaýlaý yqtımaldyǵy da munaıdyń kúrt arzandaýyna sebep bolyp otyr, deıdi mamandar.
Munaı baǵasy sońǵy ret 2008 jyly osylaı bir kúnde kúrt quldyraǵan bolatyn.
