Munaı baǵasy ósip jatyr: Brent 107 dollarǵa jaqyndady
ALMATY. KAZINFORM - Álemdik munaı baǵasy Taıaý Shyǵystaǵy jaǵdaı aıasynda ósip keledi.
Oilprice málimetinshe, Brent markaly munaıdyń baǵasy barreline 106,95 dollarǵa deıin kóterilip, 1,59%-ǵa qymbattaǵan.
WTI markaly munaıdyń baǵasy barreline 93,96 dollarǵa jetip, 1,47%-ǵa ósti.
Brent jáne WTI munaıynyń baǵasy qatarynan ekinshi saýda sessııasynda ósip otyr. Qazir naryq AQSh pen Iran arasyndaǵy kelissózderdiń barysyn jáne óńirdegi munaı tasymaly baǵyttarynyń qaıta qalpyna kelý múmkindigin baqylap otyr.
Al reseılik Urals munaıynyń fıýcherstik baǵasy barreline 110,54 dollar bolyp, 2,70%-ǵa tómendedi.
Buǵan deıin Saýd Arabııasy munaıdy Shyǵys-Batys qubyry arqyly tasymaldaýdy bastaǵany belgili boldy. Bul qubyr Ormýz buǵazyn aınalyp ótip, munaı eksporttaýǵa múmkindik beretin balama baǵyt sanalady.
Sondaı-aq munaı baǵasynyń aptadaǵy eń joǵary deńgeıge jetkeni habarlandy.
