Munaı baǵasy Qytaı eksporty men Taıaý Shyǵystaǵy jaǵdaı aıasynda ósti
ALMATY. KAZINFORM – Juma kúngi saýda-sattyq barysynda munaıdyń álemdik baǵasy azdap ósti.
Oilprice.com málimetinshe, WTI markaly munaı fıýchersteriniń baǵasy barreline 92,65 dollarǵa jetti. Bir kún buryn bul 89,57 dollar bolǵan.
Brent markaly munaı fıýchersteri barreline 102,25 dollar deńgeıinde saýdalanyp jatyr. Baǵasy 0,06 dollarǵa nemese 0,06%-ǵa tómendedi.
Reseıdiń Urals markaly munaıynyń baǵasy barreline 106,69 dollar boldy. Bul 3,71 dollarǵa nemese 3,36%-ǵa tómen.
Reuters agenttiginiń málimetinshe, bir kún buryn Qytaıdyń munaı ónimderiniń eksportyn qysqartý týraly sheshimi, sondaı-aq AQSh-tyń Taıaý Shyǵystaǵy áskerı áserin kúsheıtýi múmkin ekeni aıtylǵan soń munaı baǵasy aıtarlyqtaı ósti. Bul faktorlar álemdik naryqta janarmaı tapshylyǵy bolýy múmkin degen alańdaýshylyqty kúsheıtti.
Osy arada Saýd Arabııasy Qyzyl teńiz arqyly munaı tasymaldaýdy qaıta bastady.
Qubyrdyń jumysy qaıta jandanýy Saýd Arabııasyna Ormýz buǵazyn aınalyp ótip, Shyǵys provıntsııadaǵy ken oryndarynan Qyzyl teńiz jaǵalaýyndaǵy ıAnbý portyna deıingi baǵytty paıdalanýǵa múmkindik beredi. Uzyndyǵy shamamen 1,2 myń shaqyrym bolatyn munaı qubyry táýligine 7 mln barrelge deıin munaı tasymaldaýǵa eseptelgen.
