Munaı baǵasy, ınflıatsııa jáne teńge: Ulttyq bank jańa boljamdardy jarııalady
ASTANA. KAZINFORM —Qazaqstan Ulttyq banki sarapshylar qaýymdastyǵy arasynda júrgizilgen kezekti makroekonomıkalyq saýalnamanyń nátıjelerin jarııalady.
Brent markaly munaıdyń baǵasy, Qazaqstan ekonomıkasynyń ósýi, ınflıatsııa, bazalyq mólsherleme, taýarlar men qyzmetterdiń eksporty jáne ımporty, sondaı-aq teńge baǵamy – saýalnamanyń negizgi parametrleri boldy.
Munaı baǵasy men ekonomıkanyń ósýi
Munaı baǵasy boıynsha stsenarıı sharttary barlyq boljamdy kezeńde shamaly ózgerdi. Brent markaly munaı baǵasy 2026 jyly bir barrel úshin ortasha eseppen 84,6 AQSh dollary, 2027 jáne 2028 jyldary tıisinshe 75 jáne 71,8 AQSh dollary deńgeıinde bolady dep kútiledi.
Qazaqstan ekonomıkasynyń ósýine qatysty boljamdar aıtarlyqtaı ózgergen joq. JІÓ ósiminiń boljamy 2026 jylǵa 4,8%, 2027 jylǵa 4,6%, 2028 jylǵa 4,3%-ǵa teń.
Inflıatsııa men bazalyq mólsherleme
Sarapshylardyń 2026 jylǵa arnalǵan ınflıatsııa boıynsha boljamy 10% deńgeıinde saqtaldy, 2027 jylǵa arnalǵan boljam 8%-dan 7,8%-ǵa deıin jaqsardy, al 2028 jylǵa arnalǵan boljam 6,8% deńgeıinde saqtaldy.
Sarapshylardyń bazalyq mólsherleme boıynsha kútýleri búkil boljamdy kezeńde ózgerissiz qaldy. 2026 jyldyń sońyna arnalǵan boljam 16%, 2027 jylǵa – 12,8%, 2028 jylǵa – 10,6%-ǵa teń.
Aıta ketelik Bektenov ınflıatsııany 10% tómen deńgeıde ustaýdy tapsyrǵan edi.
⠀
