Munaı baǵasy eki apta qatarynan ósti: Brent baǵasy 94 dollarǵa jýyqtady
ASTANA. KAZINFORM — Álemdik munaı baǵasy 21 tamyz kúni de tómendegen joq. Taıaý Shyǵystaǵy jetkizilimderge qatysty jalǵasyp jatqan qaýip-qaterlerge baılanysty munaı baǵasy ekinshi aptany da ósimmen aıaqtady, dep habarlaıdy Reuters.
Brent markasynyń fıýchersteri barreline 93,82 dollarǵa deıin ósti. Al amerıkalyq WTI munaıy barreline 86,78 dollarǵa azdap tómendedi.
Apta ishinde Brent 7%-dan asa, al WTI 8%-dan asa ósti. Ósimniń negizgi qozǵaýshy kúshi AQSh-Iran arasyndaǵy qaqtyǵys. Saldarynan Taıaý Shyǵystyń birneshe elinen munaı jetkizilimi shekteldi.
Naryq qatysýshylary Ormýz buǵazyndaǵy jaǵdaıdy jiti baqylap otyr. Aımaqtaǵy júk tasymaly qaqtyǵys ýshyqqanǵa deıingi deńgeıden tómen qalpyn saqtap tur.
Buǵan deıin álemdik munaı baǵasy tórt aptadaǵy eń joǵary deńgeıge jýyqtaǵanyn habarlaǵan bolatynbyz.
