Munaı baǵasy alǵash ret 24 shildeden beri barreline 101 dollardan asty
ASTANA. KAZINFORM – Álemdik naryqta munaı baǵasy sársenbi kúni aıtarlyqtaı qymbattap, Brent markaly munaıdyń bir barreliniń quny alǵash ret 24 shildeden beri $101 mejesinen asty. Bul týraly RIA Novostı habarlady.
Brent markaly munaıdyń qarasha aıyndaǵy fıýchersteriniń baǵasy aldyńǵy sessııanyń jabylýymen salystyrǵanda 3,02%-ǵa ósip, barreline $100,88 boldy. Birneshe mınýt buryn kórsetkish 24 shildeden beri alǵash ret $101-den joǵary kóterildi.
Osy ýaqytta WTI markaly munaıdyń qazan aıyndaǵy fıýchersteri 3,09%-ǵa qymbattap, barreline $95,9 boldy.
Eske sala ketsek, buǵan deıin Brent munaıy Taıaý Shyǵystaǵy qaqtyǵys aıasynda 100 dollarǵa jaqyndaǵaneyn jazǵan edik.
Al Energetıka mınıstri Erlan Aqkenjenov elimizde munaı óńdeý qýaty jylyna 39 mln tonnaǵa deıin artatynyn málimdedi.
